Janhvi Kapoor : అల్లు అర్జున్‌ హీరోగా సుకుమార్‌ దర్శకత్వంలో రూపొందుతున్న పుష్ప 2 పై అంచనాలు ఆకాశాన్ని తాకేలా ఉన్నాయి. పుష్ప సినిమాలో సమంతతో చేయించిన ఐటెం సాంగ్ బ్లాక్ బస్టర్‌ విజయాన్ని సొంతం చేసుకున్న నేపథ్యంలో పుష్ప 2 లో అంతకు మించిన ఐటెం సాంగ్ ను ప్లాన్‌ చేస్తున్నట్లుగా తెలుస్తోంది.
బాలీవుడ్‌ స్టార్‌ హీరోయిన్ తో పుష్ప 2 లో ఐటెం సాంగ్ ను చేయించబోతున్నారు అనే వార్తలు చాలా రోజులుగా వస్తున్నాయి. దర్శకుడు సుకుమార్‌ మరియు మైత్రి మూవీ మేకర్స్ వారు బడ్జెట్‌ విషయంలో రాజీ లేకుండా ఐటెం సాంగ్ కి భారీగా ఖర్చు చేయాలని మొదటి నుంచి కూడా భావిస్తున్నారట.
హీరోయిన్ రష్మిక మందన్న కి ఏ స్థాయిలో పారితోషికం ఇస్తున్నారో కాస్త అటు ఇటుగా జాన్వీ కపూర్ కి భారీ మొత్తంలో పారితోషికం ఇచ్చి పుష్ప 2 లో ఐటెం సాంగ్ ను చేయించాలని సుకుమార్‌ భావిస్తున్నాడట. ఇటీవల మైత్రి మూవీ మేకర్స్ వారు కూడా జాన్వీ కపూర్ తో చర్చలు జరిపినట్లుగా సమాచారం అందుతోంది.
ఇంతకు జాన్వీ ఓకే చెప్పిందా? లేదా అనే విషయాన్ని మాత్రం మైత్రి మూవీ మేకర్స్ వారు సస్పెన్స్ గా ఉంచారు. సినిమా విడుదల సమయంలో జాన్వీ కపూర్ ఐటెం సాంగ్ చేస్తుందా లేదా అనే విషయమై యూనిట్‌ సభ్యులు క్లారిటీ ఇస్తారేమో చూడాలి. ఈ ఏడాది ఆగస్టు లో పుష్ప 2 రాబోతున్న విషయం తెల్సిందే. పుష్ప 3 కూడా ఉంటుందని ఇప్పటికే మేకర్స్ ప్రకటించారు.