Ram Charan: యావత్ తెలుగు చిత్ర పరిశ్రమ మాత్రమే కాకుండా మెగాభిమానులు ఎప్పుడెప్పుడా అని ఎదురుచూస్తున్న భారీ అనౌన్స్ మెంట్ వచ్చేసింది. గ్లోబల్ స్టార్ రామ చరణ్ (Ram Charan) – క్రియేటివ్ బ్రిలియన్స్ సుకుమార్ (Sukumar) కాంబినేషన్లో సినిమా ప్రకటన రానే వచ్చేసింది. RC17గా తెరకెక్కబోయే సినిమాను మైత్రీ మూవీస్ నిర్మించనుంది. ఈమేరకు అధికారిక ప్రకటన విడుదల చేసింది.
మార్చి 27 రామ్ చరణ్ పుట్టినరోజు సందర్భంగా ఈ సినిమా అనౌన్స్ మెంట్ చేసింది నిర్మాణ సంస్థ. మరోవైపు రామ్ చరణ్ సైతం ఈ కాంబినేషన్ పై అంచనాలు పెంచుతూ తన సంతోషాన్ని వ్యక్తం చేశారు. ఈ కాంబినేషన్ పై అభిమానులు ఎప్పటినుంచో ఎదురు చూస్తున్నారు. 2018లో వీరిద్దరి కాంబోలో వచ్చిన రంగస్థలం ఎంతటి సంచలనం సృష్టించిందో తెలిసిన విషయమే.
రామ్ చరణ్ నటనకు విమర్శకులు సైతం ప్రశంసలు కురిపించారు. సుకుమార్ దర్శకత్వ ప్రతిభకు ఎంతగానో పేరొచ్చింది. దేవిశ్రీ ప్రసాద్ సంగీతం అందించనున్న RC17 ఈ ఏడాదే ప్రారంభం కాబోతోంది. 2025 చివర్లో విడుదల చేయాలని నిర్ణయించినట్టు తెలుస్తోంది.
#RC17 the force reunites 💥@aryasukku @ThisIsDSP @MythriOfficial pic.twitter.com/yyXv7Fnx9N
— Ram Charan (@AlwaysRamCharan) March 25, 2024