Ram Charan : మెగా పవర్‌ స్టార్ రామ్ చరణ్ పుట్టిన రోజు వేడుకలకు ఫ్యాన్స్ సిద్ధం అవుతున్నారు. ఇప్పటికే పెద్ద ఎత్తున ఏర్పాట్లు జరుగుతున్నాయి. మార్చి 27న ఆయన ఫ్యాన్స్ తో పాటు ఇండస్ట్రీ వర్గాల్లో కూడా హడావుడి ఉండబోతుంది. ఫ్యాన్స్ కోసం ఆయన నటిస్తున్న సినిమాల పోస్టర్స్‌ మరియు వీడియో లు విడుదల అవ్వబోతున్నాయి.
ఇప్పటికే రామ్ చరణ్ గేమ్‌ చేంజర్ సినిమా ముగింపు దశకు చేరుకుంది. ఆ సినిమా నుంచి టీజర్ ను విడుదల చేసే విధంగా దర్శకుడు శంకర్ ప్లాన్ చేస్తున్నాడు. విడుదల తేదీ విషయంలో కూడా ఫుల్‌ క్లారిటీ వచ్చే విధంగా నిర్మాత దిల్‌ రాజు చర్చలు జరుపుతున్నాడు.
ఇక ఇటీవలే ప్రారంభం అయిన బుచ్చిబాబు సినిమా ఆర్‌సీ16 నుంచి కూడా పోస్టర్ విడుదల అయ్యే అవకాశాలు ఉన్నాయి. బర్త్‌ డే సందర్భంగా ఫ్యాన్స్ కి చరణ్ సినిమా అప్డేట్ ఇవ్వాలని బుచ్చిబాబు భావిస్తున్నాడట. అందుకోసం స్పెషల్‌ షూట్‌ కూడా నిర్వహిస్తున్నారని తెలుస్తోంది.
ఈ రెండు సినిమాలు కాకుండా చరణ్ తదుపరి సినిమా సుకుమార్‌ దర్శకత్వంలో అంటూ కన్ఫర్మ్‌ అయ్యింది. ఆర్‌సీ17 గా రూపొందబోతున్న ఈ సినిమాకి సంబంధించిన అప్డేట్ ను కూడా చరణ్ బర్త్‌ డే సందర్భంగా సుకుమార్‌ ఇచ్చే అవకాశాలు ఉన్నాయి. మొత్తానికి మూడు సినిమాల అప్‌డేట్స్ తో చరణ్ ఫ్యాన్స్ కి బర్త్‌ డే కానుకలు రాబోతున్నాయి.