RC16 : రామ్ చరణ్ హీరోగా బుచ్చిబాబు దర్శకత్వంలో సినిమా ప్రకటన వచ్చి ఏడాది దాటింది. గేమ్ చేంజర్ సినిమా ఆలస్యం అవ్వడంతో బుచ్చిబాబు సినిమాను చరణ్ ఆలస్యం చేస్తూ వచ్చాడు. ఎట్టకేలకు సినిమా ప్రారంభోత్సవం జరిగింది. సినిమా ప్రారంభోత్సవంకు ప్రముఖులు హాజరు అయ్యారు.
హీరో రామ్ చరణ్, హీరోయిన్ జాన్వీ కపూర్ తో పాటు ఏఆర్ రెహమాన్, చిరంజీవి, బోనీ కపూర్, అల్లు అరవింద్, దర్శకుడు శంకర్ ఇంకా సినీ ప్రముఖులు పలువురు ఈ ప్రారంభోత్సవ వేడుకలో పాల్గొన్నారు. బుచ్చిబాబు దర్శకత్వంలో భారీ బడ్జెట్ తో రూపొందబోతున్న ఈ సినిమా లో చరణ్ స్పోర్ట్స్ పర్సన్ గా కనిపించబోతున్నాడు.
ఉప్పెన సినిమాతో దర్శకుడిగా మొదటి సినిమాతోనే మంచి విజయాన్ని సొంతం చేసుకున్న బుచ్చిబాబు రెండో సినిమాకే చరణ్ వంటి స్టార్ హీరోను డైరెక్ట్ చేసే అవకాశం దక్కించుకున్నాడు. అంతే కాకుండా హీరోయిన్ గా ఈ సినిమాలో చరణ్ కు జోడీగా జాన్వీ కపూర్ నటించబోతున్న నేపథ్యంలో అంచనాలు మరింతగా పెరిగాయి. వచ్చే ఏడాది లో సినిమా విడుదల చేసే విధంగా బుచ్చిబాబు ప్లాన్ చేస్తున్నాడట.