YSRCP: క్రికెటర్ అంబటి రాయుడు ఎంపీగా పోటీ చేస్తే ఎలా వుంటుంది.? అసెంబ్లీకి పంపితే ఎలా వుంటుంది.? వైసీపీలో ఈ చర్చ జరుగుతోందంటే, సరైన అభ్యర్థులు లేక వైసీపీ విలవిల్లాడుతోందనే కదా అర్థం.?
ప్రస్తుతానికైతే వైసీపీ ఆంధ్రప్రదేశ్‌లో పూర్తి బలంతో కనిపిస్తోంది. వైనాట్ 175 అని కూడా అంటోంది. మళ్ళీ అధికారం తమదేనని వైసీపీ గట్టిగానే చెబుతోంది. కానీ, తెరవెనుక పరిస్థితులు వేరు. సీపీఎస్ రద్దు నిర్ణయం వైసీపీ, ‘వెనకడుగు’ వేసిందనడానికి నిదర్శనంగా చెప్పుకోవాలి.
ఉద్యోగ సంఘాల నాయకుల్ని ఎన్నెన్ని మాటలన్నారు వైసీపీ నేతలు.? అసలు ప్రభుత్వ ఉద్యోగులందర్నీ పీకి పారెయ్యాలని కూడా ‘వైసీపీ మంద’ నినదించింది. అలాంటిది, ఉద్యోగుల గొంతెమ్మ కోర్కెల్ని నెరవేర్చడానికీ వెనుకడుగు వేయడంలేదు వైసీపీ.
మొన్నటికి మొన్న ఎమ్మెల్సీ ఎన్నికల్లో.. అందునా గ్రాడ్యుయేట్ ఎమ్మెల్సీ ఎన్నికల్లో తగిలిన షాక్ పలితమే ఇదంతా.! ఇంకోపక్క, తమకు టిక్కెట్లు వద్దంటూ కొందరు వైసీపీ ముఖ్య నేతలు వెనుకడుగు వేస్తుండడంతో, కొత్త అభ్యర్థుల వేటలో పడింది వైసీపీ.
ప్రజా వ్యతిరేకతను తప్పించుకోవాలంటే, వీలైనంత ఎక్కువ మంది కొత్త అభ్యర్థులు వుండాల్సిందేనని వైసీపీ అధినాయకత్వం ఓ నిర్ణయానికి వచ్చిందట. ఇతర పార్టీల నుంచి నాయకుల్ని లాగాలా.? అసలంటూ రాజకీయాలతో ఇప్పటిదాకా సంబంధం లేని వ్యక్తుల్ని రాజకీయాల్లోకి తీసుకురావాలా.? అన్నదానిపై వైసీపీలో ఓ బృందం గట్టిగానే పని చేస్తోందిట. ఇదంతా నిజమేనా.? వైసీపీ నుంచే ఎందుకీ సమాచారం లీక్ అవుతోంది.? అంటే, నిజమేనని అనుకోవాలేమో.!