Allu Arjun : ప్రపంచ పర్యావరణ దినోత్సవం సందర్భంగా అభిమానులకు అల్లు అర్జున్‌ విజ్ఞప్తి చేశాడు. ప్రపంచ పర్యావరణ దినోత్సవం సందర్భంగా అల్లు అర్జున్‌ స్వయంగా ఒక మొక్కను నాటారు. ఆ మొక్కను నాటిన ఫోటోను సోషల్ మీడియాలో షేర్‌ చేశాడు.
మొక్కలను నాటడం ద్వారా భూమిని రక్షించిన వారు అవుతారు అని.. తన అభిమానులు అంతా కూడా మొక్కలు నాటాలి అంటూ బన్నీ విజ్ఞప్తి చేశాడు. మొక్కలను నాటడం ద్వారా కచ్చితంగా పకృతికి జీవం పోసిన వారు అవుతారు అంటూ ఈ సందర్భంగా బన్నీ పేర్కొన్నాడు.
ఇక బన్నీ సినిమా విషయానికి వస్తే ప్రస్తుతం పుష్ప 2 సినిమా లో నటిస్తున్న విషయం తెల్సిందే. సుకుమార్ దర్శకత్వంలో రూపొందుతున్న ఆ సినిమా యొక్క షూటింగ్‌ కార్యక్రమాలు శరవేగంగా జరుగుతున్నాయి. త్వరలోనే చిత్రీకరణ ముగించేందుకు సుకుమార్ ప్లాన్‌ చేస్తున్నాడు. పుష్ప 2 సినిమా విడుదల తేదీ విషయంలో త్వరలోనే క్లారిటీ వచ్చే అవకాశాలు ఉన్నాయి.