Tillu Square : డీజే టిల్లు సినిమాతో సూపర్‌ హిట్ ను దక్కించుకున్న సిద్దు జొన్నలగడ్డ ప్రస్తుతం ఆ సినిమా యొక్క సీక్వెల్ ను ప్రేక్షకుల ముందుకు తీసుకు రాబోతున్నాడు. సీక్వెల్ కు విభిన్నంగా టిల్లు స్క్వేర్ టైటిల్ ను పెట్టడంతో ప్రేక్షకులు సినిమా కచ్చితంగా డబుల్ ఎంటర్ టైన్మెంట్ ను ఇస్తుందనే నమ్మకంను వ్యక్తం చేస్తున్నారు.
ఈ సినిమా విడుదల తేదీ విషయంలో చిత్ర యూనిట్‌ సభ్యులు క్లారిటీ ఇచ్చారు. సెప్టెంబర్‌ 15వ తారీకున ఈ సినిమాను విడుదల చేయబోతున్నట్లుగా సితార ఎంటర్‌టైన్మెంట్స్ వారు అధికారికంగా ప్రకటించారు. ఇక ఈ సినిమా పోస్టర్ తో సినిమా స్థాయి అమాంతం పెరిగింది.
డీజే టిల్లు పోస్టర్ లో ఎలా అయితే సిద్దు మరియు నేహా లు కారులో రొమాన్స్ చేశారో.. అదే విధంగా సిద్దు మరియు అనుపమల యొక్క రొమాన్స్ ను కారులో చూపించడం జరిగింది. పోస్టర్ ను రీ క్రియేట్‌ చేసినట్లుగానే సినిమాను కూడా ఫుల్ ఎంటర్ టైన్మెంట్ తో రీ క్రియేట్‌ చేయడం ఖాయం అనిపిస్తుంది. మల్లిక్ రామ్ దర్శకత్వంలో రూపొందుతున్న సినిమా షూటింగ్ కార్యక్రమాలు ముగింపు దశకు చేరుకున్నాయి.