Bro: పవర్ స్టార్ పవన్ కళ్యాణ్( Pavan Kalyan) కి ఫోక్ సాంగ్స్ అంటే ఎంత ఇష్టమో తెలిసిందే. ఆయన సినిమాల్లో ఐటెం సాంగ్స్ రూపంలో ఇలాంటి పాటలు తరచుగా కనిపిస్తుంటాయి. అంతేకాకుండా అలాంటి పాటల్ని సినిమాలో స్వయంగా ఆయనే పాడుతూ ఉంటారు. అలా గతంలో వచ్చిన ‘గుడుంబా శంకర్’ సినిమాలో ‘కిళ్లీ కిళ్లీ’ పాటలో ఆయన ఓ ఫోక్ ట్రాక్ పాడారు.
ఇప్పుడు తాజాగా ఆయన నటిస్తున్న ‘బ్రో( BRO) ఇది అవతార్’ చిత్రంలోను ఇలాంటి పాటే ఉంటుందట. ‘కిళ్లీ కిళ్లీ’ పాటలో మొదట్లో వచ్చే ‘లబో లబో లబ్బరు గాజులు’ ట్రాక్ ని ఈ సినిమా కోసం రీమిక్స్ చేయనున్నారట. త్వరలో దీనిపై ఆఫీషియల్ అనౌన్స్ మెంట్ రానుందట. ఇప్పటికే ఈ సినిమా లో ఐటెం సాంగ్ కోసం శృతిహాసన్( Shruti Hassan), బాలీవుడ్ హాట్ హీరోయిన్ దిశా పటానీ( Disha Patani) ని సంప్రదించినట్లు వార్తలు వస్తున్నాయి. దీంతో ఒరిజినల్ సినిమా కంటే ఇందులో భారీ మార్పులు చేస్తున్నట్లు తెలుస్తోంది.
‘బ్రో’ సినిమాలో పవన్ తన మేనల్లుడు సాయిధరమ్ తేజ్( Sai Dharam Tej) తో కలిసి నటిస్తున్నారు. తమిళంలో సూపర్ హిట్ అయిన ‘వినోదాయ సీతం’ సినిమాకు ఇది రీమేక్. ఒరిజినల్ సినిమాని తెరకెక్కించిన సముద్రఖని( Samuthirakani) ‘బ్రో’ ని కూడా డైరెక్ట్ చేస్తున్నారు. కేతిక శర్మ( Ketika Sharma), ప్రియా ప్రకాష్ వారియర్( Priya prakash Warrior) ఇందులో హీరోయిన్స్. ఈ ఏడాది జులై 28న ఈ చిత్రం ప్రేక్షకుల ముందుకు రానుంది.