Guntur Kaaram: సూపర్ స్టార్ మహేష్ బాబు( Mahesh Babu),త్రివిక్రమ్( Trivikram) కాంబినేషన్లో తెరకెక్కనున్న సినిమాకి ‘ గుంటూరు కారం’ అనే టైటిల్ ని ఫిక్స్ చేశారు. ఈరోజు సూపర్ స్టార్ కృష్ణ జయంతిని పురస్కరించుకొని ఈ సినిమా టైటిల్ ని చిత్ర బృందం సోషల్ మీడియా వేదికగా పంచుకుంది. దీంతోపాటు ఈ సినిమా ఫస్ట్ గ్లిమ్స్ ని విడుదల చేసింది.
‘సన్నకర్ర.. సావదెబ్బ’ అంటూ మొదలైన ఈ వీడియో ఆద్యంతం ఆకట్టుకుంటుంది. ఇందులో గుంటూరు యాసలో మహేష్ పలికిన డైలాగ్స్, ఆయన మాస్ లుక్ కి ఫ్యాన్స్ ఫిదా అవుతున్నారు. బ్యాక్ గ్రౌండ్ మ్యూజిక్ కూడా అదిరిపోయింది. ఇందులో చూపించిన యాక్షన్ సీక్వెన్స్ సినిమాపై అంచనాలను పెంచేస్తోంది. అతడు, ఖలేజా తర్వాత త్రివిక్రమ్- మహేష్ కాంబినేషన్ లో వస్తున్న సినిమా ఇదే.
ఈ సినిమా లో పూజ హెగ్డే హీరోయిన్. శ్రీ లీల కీలక పాత్రలో కనిపించనుంది. తమన్ మ్యూజిక్ డైరెక్టర్. వచ్చే ఏడాది సంక్రాంతి కానుకగా ఈ చిత్రం ప్రేక్షకుల ముందుకు రానుంది. హారిక హాసిని క్రియేషన్స్ ఈ సినిమాను నిర్మిస్తోంది.