ఇనాయాని ఏడిపించేసిన ఫైమా, రాజ్.! సెంటిమెంటాస్త్రం.!

బిగ్ బాస్ రియాల్టీ షోలో ఇద్దరు కంటెస్టెంట్లు సెంటిమెంటాస్త్రం ప్రయోగిస్తున్నారు. అందులో ఒకరు కీర్తి కాగా, ఇంకొకరు ఇనాయా.!

వాస్తవానికి బిగ్ హౌస్‌లో స్నేహాలు చెల్లవు. ఆ సంగతి బిగ్ బాస్‌లో కంటెస్టెంట్లుగా ఎంట్రీ ఇచ్చిన ప్రతి ఒక్కిరికీ తెలుసు. అవసరం కొద్దీ స్నేహాలుంటాయ్. ఆ స్నేహాలు మధ్యలో చెడిపోతుంటాయ్. కొత్త స్నేహాలు పట్టుకొస్తుంటాయి. అన్నీ అవసరార్ధం స్నేహాలే.

ఇనాయాకి మొదట్లో ఫైమా, రాజ్ మంచి స్నేహితులు. సూర్య కూడా.! కానీ, సూర్య ఎప్పుడో ఔట్ అయిపోయాడు. హౌస్‌లో ఫైమా, రాజ్ వున్నాగానీ, ఇనాయాతో గతంలో వున్నంత స్నేహంగా వుండటంలేదట. ఆ విషయాన్ని ఎలిమినేషన్ కోసం జరిగిన నామినేషన్లలో పేర్కొంది ఇనాయా. ఆ కారణం చూపి, ఇద్దర్నీ నామినేట్ చేసేసింది. స్నేహితుల్ని ఎవరైనా ఇలా నామినేట్ చేస్తారా.? అన్న కనీసపాటి ఇంగితం లేకుండా ఇనాయా ‘సెంటిమెంటాస్త్రం’ ఎలా ప్రయోగించినట్లు.? ఇక్కడే ఆమె అట్టర్ ఫ్లాప్ అయ్యింది.

ఇంకోపక్క, కీర్తి విషయం తీసుకుంటే.. ఆమె మరీ టూమచ్. ఆలుగడ్డల విషయమై రేవంత్‌తో గొడవ పెట్టుకుంది. అంతలోనే, ‘బాధపడకు’ అని రేవంత్ అన్నాడంటూ గుస్సా అయ్యింది. ‘బాధ’ అన్న పదం ఎందుకు వాడతావ్.? అంటూ ఏడ్చేసినంత పనిచేసింది కీర్తి.

ఆమె రియల్ లైఫ్‌లో చాలా బాధలు పడిన విషయాన్ని పదే పదే ప్రస్తావిస్తూ వస్తుంటుంది. అదే సమయంలో తన మీద ఎవరూ జాలి చూపించక్కర్లేదని కూడా చెబుతుంటుందామె. ఇదే విషయాన్ని ఓ బిగ్ బాస్ వ్యూయర్ క్వశ్చన్ రూపంలో ఆమెను అడిగేశాడు కూడా. దానికి ఆమె సమాధానం చెబుతూ, ‘సెంటిమెంట్ అస్త్రం అన్ని వేళలా పనిచేయదు.. నేను దాని గురించి ఆలోచించను..’ అని చెప్పుకొచ్చింది.

కాగా, నామినేషన్ల సందర్భంగా శ్రీ సత్య సరైన రీజన్స్ చెప్పకపోవడం గమనార్హం. దాదాపుగా కంటెస్టెంట్స్ అందరూ రీజన్స్ వెతుక్కోవాల్సి వచ్చింది. ఇదీ నేటి ఎపిసోడ్.! రేవంత్, కీర్తి తప్ప.. మిగతా హౌస్ మేట్స్ అంతా ఈ వారం ఎలిమినేషన్ కోసం నామినేట్ అయ్యారు.