వరదలొచ్చాయ్.. ప్రాజెక్టు గేటు కొట్టుకుపోయింది. నవ్విపోదురుగాక మనకేటి సిగ్గు.? అన్నట్టు రాజకీయం పకపకా నవ్వింది. పులిచింతల తమ ఘనతేనని చెప్పుకున్న తెలుగుదేశం పార్టీతోపాటు, వైఎస్సార్ కాంగ్రెస్ పార్టీ కూడా తలకాయ ఎక్కడ పెట్టుకుంటాయ్.? అని అప్పట్లోనే సాధారణ ప్రజానీకం నుంచి ప్రశ్నలు దూసుకొచ్చాయి.
ఔను, పులిచింతల తమ ఘనతేనని చంద్రబాబు చెప్పుకున్నారు. కాదు కాదు, వైఎస్సార్ డ్రీమ్.. అని వైసీపీ చెప్పుకుంది. ఇవేవీ కాదు, ఆ ప్రాజెక్టు తామే పూర్తి చేశామని కాంగ్రెస్ పార్టీ కూడా ప్రకటించుకుంది. అంటే, ఇక్కడ మూడు పార్టీల ఘన చరిత్ర దాగి వుందన్నమాట.
ఏం లాభం.? మూడు పార్టీల ఘనత ఎంత గొప్పదంటే, ఓ మోస్తరు వరదకే పులిచింతల ప్రాజెక్టు గేటు కొట్టుకుపోయేంతలా.! సరే, ప్రాజెక్టులకు సంబంధించి ఇలాంటి పొరపాటు జరగడం చాలా అరుదైన విషయమే అయినా, కొన్నిసార్లు అలా జరిగిపోతుందంతే. పెను ప్రమాదం తప్పింది గనుక.. ఇకపై అలాంటి ఘటనలు జరగకుండా చూసుకోవాలి.
ఇంతకీ, తొమ్మిది నెలలవుతున్నా ఆ ప్రాజెక్టు గేటు ఎందుకు పెట్టలేదట.? తాత్కాలికంగా స్టాప్ గేట్ ఏర్పాటు చేశారుగానీ, రెగ్యులర్ గేటు అయితే ఏర్పాటు కాలేదు. మరీ, అంత కష్టమైన వ్యవహారమేమీ కాదు.. ఖరీదైన వ్యవహారం అసలే కాదు.. వైసీపీ ప్రభుత్వం చేసుకుంటోన్న పబ్లిసిటీ ఖర్చుతో పోల్చి చూస్తే. కానీ, గేటు మాత్రం పెట్టలేకపోయారు.
వైఎస్ జగన్ సర్కారుకి ఇదొక మచ్చ.. అని నిస్సందేహంగా చెప్పొచ్చు. వేసవి ముగిసి, వర్షాకాలం షురూ అవబోతోంది. మళ్ళీ వరదలొస్తే.. ఆ తర్వాత ఏమవుతుందో ఏమో.! దిగువ ప్రాంతాల ప్రజలకు దేవుడు ఆయుష్షునిస్తే సరే సరి.. లేదంటే, ఈసారి మాత్రం జరగకూడనిది జరిగితే చాలా ప్రాణాలు గాల్లో కలిసిపోతాయ్.!
పులిచింతల కు ఊడిపోయిన గేటు పెట్టలేరుగానీ, పోలవరం ప్రాజెక్టు పూర్తి చేసేస్తారట.! వినేవాడు వెర్రి వెంగళప్ప అయితే, చెప్పేటోడు ఘనాపాటి.. అనేది ఇందుకే మరి.
543399 459047Exceptional editorial! Would like took pleasure the specific following. Im hoping to learn to read a lot more of you. Theres no doubt which you possess tremendous awareness and even imagination. I happen to be very highly fascinated employing this critical information. 395584
533685 468924Yeah bookmaking this wasnt a bad conclusion excellent post! . 326832