వరుణ్ తేజ్ బాక్సింగ్ డ్రామా గని ఈరోజే ప్రేక్షకుల ముందుకు వచ్చింది. ఇంకా ఆడియన్స్ ఆర్ ఆర్ ఆర్ హ్యాంగోవర్ లోనే ఉన్న నేపథ్యంలో వారిని ఈ చిత్రానికి కదిలొచ్చేలా చేసే సత్తా ఉందో లేదో చూద్దాం.
కథ:
విక్రమాదిత్య ఒక ఛాంపియన్ బాక్సర్. అయితే స్టెరాయిడ్స్ తీసుకుని బాక్సింగ్ గెలిచాడని తన మీద అభియోగం వస్తుంది. దీంతో తనకు నచ్చిన స్పోర్ట్ ను వదిలేయాల్సిన పరిస్థితి. విక్రమాదిత్య కొడుకు గని (వరుణ్ తేజ్) దీనికి సరైన సమాధానం చెప్పాలి అనుకుంటాడు. అందుకోసం తాను బాక్సింగ్ లో అత్యున్నత స్థాయికి ఎదగాలని కలలు కంటాడు.
అయితే ఇది గని తల్లి (నదియా)కు నచ్చదు. తన తల్లికి తెలీకుండా బాక్సింగ్ లో శిక్షణ తీసుకుంటాడు గని. తాను ఛాంపియన్ అయ్యే ప్రాసెస్ లో ఒకప్పటి విక్రమాదిత్య ప్రత్యర్థి, గనికి సహాయం చేయడానికి ముందుకు వస్తాడు. మరి వీరిద్దరూ కలిసి అనుకున్నది సాధించగలిగారా? తన తండ్రి మీద పడిన మచ్చను తుడిచేయగలిగారా?
నటీనటులు:
గని కోసం వరుణ్ తేజ్ ఎంత కష్టపడ్డాడు అన్నది తెరమీద స్పష్టంగా తెలుస్తుంది. బాడీ పరంగా వరుణ్ చాలా శ్రమించాడు. ఒక బాక్సర్ కు ఉండాల్సిన దేహాన్ని సాధించుకున్నాడు. అలాగే నటన పరంగా పరిణితి సాధించాడు. మొత్తంగా తనవరకూ న్యాయం చేసాడు.
హీరోయిన్ గా చేసిన సాయీ మంజ్రేకర్ కు పెద్దగా ప్రాముఖ్యత దక్కలేదు. ఫస్ట్ హాఫ్ లో కనిపించిన సాయీ, సెకండ్ హాఫ్ లో ఎక్కడుందో వెతుక్కోవాల్సిన పరిస్థితి.
నవీన్ చంద్ర పాత్రకు మొదట్లో బిల్డప్ బాగుంది కానీ నెమ్మదిగా ఆ పాత్ర కూడా సైడ్ అయిపోతుంది. ఇక వెటరన్స్ ఉపేంద్ర, జగపతి బాబు, సునీల్ శెట్టిలు ప్రముఖ పాత్రల్లో నటించారు. ముగ్గురూ కూడా డీసెంట్ పెర్ఫార్మన్స్ ఇచ్చారు. అంతకు మించి చేయడానికి కూడా పాత్ర స్వభావం అనుమతించలేదు. నదియా మెప్పించింది.
సాంకేతిక నిపుణులు:
ఎస్ ఎస్ థమన్ బ్యాక్ గ్రౌండ్ స్కోర్ పరంగా మెప్పించాడు. అయితే అక్కడక్కడా మరీ లౌడ్ అయిన భావన కలుగుతుంది. పాటల్లో టైటిల్ ట్రాక్ తప్ప మిగతావి అంత గుర్తించుకునేలా లేవు. జార్జ్ సి విలియమ్స్ సినిమాటోగ్రఫీ వర్క్ చాలా బాగుంది. ముఖ్యంగా బాక్సింగ్ సెటప్ ను బాగా చూపించగలిగాడు. ఎడిటింగ్ కూడా ఓకే. నిర్మాణ విలువలు అదిరాయి. బాగా ఖర్చుపెట్టినట్లు అర్ధమవుతుంది.
ఇక కిరణ్ కొర్రపాటి తీసుకున్న కథ పాతదే. దీనికి ఇచ్చిన ట్రీట్మెంట్ కూడా రొటీన్ పంథాలోనే సాగింది. పెద్దగా హైస్ అండ్ లోస్ లేకుండా స్క్రీన్ ప్లే సాగింది. అయితే సెకండ్ హాఫ్ లో కథ నుండి పెద్దగా డీవియేట్ కాకుండా నడిపించిన విధానం ఆకట్టుకుంటుంది. దర్శకత్వం ఓకే.
ప్లస్ పాయింట్స్:
- వరుణ్ తేజ్ పెర్ఫార్మన్స్
- సపోర్టింగ్ పాత్రలు
- బ్యాక్ గ్రౌండ్ స్కోర్
- డైలాగ్స్
మైనస్ పాయింట్స్:
- రెండు హాప్స్ స్లో గా మొదలవుతాయి
- రొటీన్ ట్రీట్మెంట్
- ఎంటర్టైన్మెంట్ పెద్దగా లేకపోవడం
చివరిగా:
కమర్షియల్ అంశాల గురించి పెద్దగా పట్టించుకోకుండా ఒక పూర్తి స్థాయి స్పోర్ట్స్ డ్రామా చేయాలన్న ఆలోచనకు దర్శకుడు, హీరో, నిర్మాతలను మెచ్చుకోవాలి. గని చాలా స్లో గా మొదలై, నెమ్మదిగా పేస్ పెంచుకుంటూ మంచి ఇంటర్వెల్ బ్లాక్ దగ్గర ఆగుతుంది. సెకండ్ హాఫ్ పరిస్థితి కూడా దాదాపుగా ఇంతే. కాకపోతే క్లైమాక్స్ లో ఎమోషన్స్ అనుకున్న స్థాయిలో పండలేదు.
గని కి ఉన్న మెయిన్ కంప్లైంట్ రొటీన్ ఫార్మాట్ లో సాగడం. మొత్తంగా చూసుకుంటే ఒకసారి చూడదగ్గ స్పోర్ట్స్ రివెంజ్ డ్రామా గని.
తెలుగు బులెటిన్ రేటింగ్: 2.75/5
757603 599230Hey There. I discovered your blog making use of msn. That is a very smartly written write-up. I will make certain to bookmark it and come back to read far more of your helpful details. Thanks for the post. I will definitely return. 501083
555723 189385Spot ill carry on with this write-up, I truly feel this internet site requirements a terrific deal much more consideration. Ill oftimes be once more to see far a lot more, numerous thanks that info. 791543
378531 58556Hello. Fantastic job. I did not expect this. This really is a excellent articles. Thanks! 523178