అందమైన భామ వలలో చిక్కుకున్నాడీ డైరెక్టర్‌!

సినిమా పరిశ్రమలో గాసిప్స్‌కి కొదవే లేదు. ఆ హీరోయిన్‌ అలాగట, ఈ హీరో ఇలాగట. ఫలానా డైరెక్టర్‌ సంగతి ఇదీ! ఫలానా నిర్మాత వ్యవహారమిలా వుంది! అంటూ కుప్పలు తెప్పలుగా గాసిప్స్‌ పుట్టుకొస్తుంటాయి. నిప్పు లేకుండా పొగరాదు కదా! అంటే, అది అన్ని సందర్భాల్లోనూ నిజం కాదు. రాజకీయాల్లోనూ, సినిమా రంగంలోనూ ఒక్కోసారి నిప్పు లేకుండానే పొగ పుట్టుకొస్తుంటుంది. అదే సమయంలో నిప్పు లేని పొగ నుంచి కూడా నిజాలు పుట్టుకొచ్చేస్తుంటాయి. ఇక్కడ మనం చెప్పుకుంటున్న గాసిప్స్‌ ఏ రకమైనది.? అన్నది ప్రస్తుతానికి సస్పెన్సే.

విషయమేంటంటే, ఓ దర్శకుడు – ఓ హీరోయిన్‌కి సంబంధించిన ‘హాటెస్ట్‌ గాసిప్‌’ కథ ఇది. ఆమె ఇప్పుడిప్పుడే తెలుగు తెరపై సత్తా చాటాలనుకుంటున్న అందాల భామ. అతనేమో, సినీ పరిశ్రమలో మంచి పేరున్న డైరెక్టర్‌. అంతే కాదు, చాలామంది హీరోయిన్లకి అతనంటే బీభత్సమైన క్రేజ్‌ కూడా. ఇప్పుడు ఆ హీరోయిన్‌కీ, ఈ దర్శకుడికీ మధ్య సమ్‌థింగ్‌ సమ్‌థింగ్‌ స్టార్ట్‌ అయ్యిందట. ఇంకేముంది.? ఈ విషయమై పెద్ద రచ్చ షురూ అయిపోతోంది.

కెరీర్‌లో ఎదగాలనుకుంటున్న ఆ హీరోయిన్‌, ఆ ప్రముఖ దర్శకుడి అండ దండలుంటే తన ‘పని’ సులువవుతుందని అనుకుందేమో! అదే సమయంలో, ఆ దర్శకుడు ఆమెకు మంచి ‘బ్రేక్‌’ ఇద్దామనుకున్నాడేమో! అంతకు మించి, ఇద్దరి మధ్యా ఏదో ‘ఫైర్‌’ వుందనుకుంటే పొరపాటేనని కొందరంటున్నారు. అబ్బే, నిప్పు లేకుండా పొగ వచ్చే ఛాన్సే లేదని మరికొందరు అంటున్నారు

. బబ్లీ ఛార్మ్‌తో కన్పించే ఆమె, హాట్‌ రోల్స్‌లోనూ ఇరగదీసేయగలదు. పైగా, గలగలా మాట్లాడేయడం ఆమె స్పెషాలిటీ. ఇక్కడే ఆమె, సదరు దర్శకుడితో కనెక్ట్‌ అవడానికి పరిస్థితి అనుకూలించిందంటారు కొందరు. ఇంతకీ ఆ భామ ఎవరు.? ఆ డైరెక్టర్‌ ఎవరు.? ఇప్పటికైతే ఇది సస్పెన్సే. ఇంతకీ, ఇది నిప్పు లేకుండా పుట్టుకొచ్చిన పొగేనా.? ఈ పొగలోంచి ఏదన్నా నిజం ముందు ముందు కన్పించబోతోందా? వేచి చూడాలిక.