అనుభవించు రాజా రివ్యూ

రాజ్ తరుణ్ కి ఇప్పుడు హిట్ చాలా అవసరం. వరసగా తన సినిమాలు అన్నీ ప్లాప్ అవుతోన్న తరుణంలో రాజ్ తనకు సక్సెస్ ఇచ్చిన ఎంటర్టైన్మెంట్ జోనర్ నే మరోసారి ఎంచుకున్నాడు. అనుభవించు రాజా ఈరోజు ప్రేక్షకుల ముందుకు వచ్చింది. మరి ఆ సినిమా ఎలా ఉందో చూద్దామా.

కథ:

రాజ్ తరుణ్ కు తన సొంత ఊరిలో బోలెడంత పలుకుబడి, ఆస్తులు, డబ్బు ఉంటాయి. అయినా కానీ అవన్నీ వదిలేసి ఒక ఐటి కంపెనీలో సెక్యూరిటీ గార్డ్ గా ఉద్యోగం చేస్తుంటాడు. ఎందుకని రాజ్ తరుణ్ ఇలా చేస్తున్నాడు. తన సొంతూరిని వదిలేయాల్సిన పరిస్థితి ఎందుకు వచ్చింది? దాని బ్యాక్ స్టోరీ ఏంటి?

పెర్ఫార్మన్స్:

దేన్నీ కేర్ చేయకుండా తిరిగే ఆవారా కుర్రాడిగా రాజ్ తరుణ్ నటన ఎనర్జిటిక్ గా ఉంది. చిన్న చిన్న విషయాలకు ఇబ్బందుల్లో పడే పాత్ర చేసాడు ఇందులో. అలాగే కాశీష్ ఖాన్ ఈ చిత్రంలో హీరోయిన్ గా నటించింది. ఆమె పెర్ఫార్మన్స్ కూడా బాగుంది. అజయ్, సుదర్శన్, ఇంకా మిగతా కాస్ట్ తమ పరిధుల మేరకు బాగా నటించారు.

సాంకేతిక నిపుణులు:

శ్రీనివాస్ గవిరెడ్డి అనుభవించు రాజాతో తన మార్క్ ను సెట్ చేసాడు. సిట్యువేషనల్ కామెడీకి సరిపడా సెట్టింగ్ ను సృష్టించుకోవడంలో శ్రీనివాస్ సక్సెస్ సాధించాడు. ఫస్ట్ హాఫ్ చాలా ఉత్సాహంగా సాగిపోతుంది. అలాగే లవ్ ట్రాక్ కూడా ఎంగేజింగ్ గా అనిపిస్తుంది. తన ఊరిలో ప్రెసిడెంట్ పోస్ట్ కోసం రాజ్ తరుణ్ నిలబడటం, దానికి పోటీ చేయడం వంటి సన్నివేశాలు చాలా ఫన్నీగా సాగుతాయి.

అయితే ఫస్ట్ హాఫ్ తో పోల్చితే సెకండ్ హాఫ్ లో ఎంటర్టైన్మెంట్ బాగా తగ్గిపోతుంది. ఇక్కడ కనుక సరిగ్గా కామెడీ పడి ఉంటే అనుభవించు రాజా నెక్స్ట్ లెవెల్లో ఉండేది. సెకండ్ హాఫ్ చివరిలో నరేషన్ పూర్తిగా గాడి తప్పుతుంది.

చిత్రానికి అందించిన సంగీతం, బ్యాక్ గ్రౌండ్ స్కోర్ చాలా బాగా కుదిరాయి. టైటిల్ సాంగ్ క్యాచీగా ఉంది. సినిమాటోగ్రఫీ ఇంప్రెస్ చేస్తుంది. ఎడిటింగ్ నీట్ గా ఉంది. ప్రొడక్షన్ వాల్యూస్ బాగున్నాయి.

పాజిటివ్ పాయింట్స్:

• స్టోరీ, స్క్రీన్ ప్లే
• ఆర్టిస్ట్ ల పెర్ఫార్మన్స్ లు
• మ్యూజిక్, బ్యాక్ గ్రౌండ్ స్కోర్

నెగటివ్ పాయింట్స్:

• క్లైమాక్స్
• సెకండ్ హాఫ్ లో నో కామెడీ

విశ్లేషణ:

ఎక్కువగా సిట్యువేషనల్ కామెడీ మీద ఆధారపడ్డ ఈ సినిమాలో ఫస్ట్ హాఫ్ మెప్పిస్తుంది. అయితే సెకండ్ లో ఎంటర్టైన్మెంట్ బొత్తిగా కనిపించకపోవడం, క్లైమాక్స్ కొంత ప్రతికూలకంగా మారతాయి. అయితే, అనుభవించు రాజాను ఒకసారి హాయిగా చూడవచ్చు.

తెలుగు బులెటిన్ రేటింగ్: 2.75/5