‘ప్రభాస్ లాంటి హీరో మీద ఎంతైనా ఖర్చు చేసెయ్యొచ్చు.. ప్రోడక్ట్లో క్వాలిటీ వుండాలేగానీ, బాక్సాఫీస్ని ఓ రేంజ్లో దున్నేయొచ్చు..’ ఈ అభిప్రాయం టాలీవుడ్లో చాలామంది దర్శకుల్లో వుంది. 100 కోట్లు ఖర్చు చేసి తెలుగులో ఓ సినిమా వేరే ఏ హీరోతో అయినా చెయ్యాలంటే కిందా మీదా పడిపోవాల్సిందే. కానీ, ప్రభాస్ విషయం వేరు. 200 కోట్లు ఖర్చు చేసినా ఫర్లేదు, తిరిగి రాబట్టేస్తాడన్న ధీమా వచ్చింది. దానిక్కారణం ముమ్మాటికి రాజమౌళినే. ‘బాహుబలి’ సినిమాకి ఎంత ఖర్చు చేశారన్న విషయాన్ని పక్కన పెడితే, తెలుగు సినిమాకి సంబంధించి కలలో కూడా ఎవరూ ఊహించని రీతిలో వసూళ్ళను రాబట్టింది ఆ సినిమా.
అందుకే, ‘సాహో’ సినిమాపై అంచనాలు ఆ స్థాయిలో పెరిగిపోయాయి. ‘కాస్త జాగ్రత్తపడి వుంటే 100 కోట్లు లాభం వచ్చేది. కానీ, నిర్మాతలు అలా అనుకోలేదు. క్వాలిటీ కోసం ఇంకా ఇంకా ఖర్చు చేసుకుంటూ పోయారు..’ అంటూ ప్రభాస్, ‘సాహో’ ప్రి రిలీజ్ ఫంక్షన్లో చేసిన వ్యాఖ్యలు సర్వత్రా చర్చనీయాంశమయ్యాయి. అంటే, సినిమా మీద రిస్క్ బాగానే చేసేశారన్నమాట.. అన్న అభిప్రాయం టాలీవుడ్లో ఇప్పుడు గట్టిగా విన్పిస్తోంది. తొలుత టేబుల్ ప్రాఫిట్ సినిమాగా ‘సాహో’ వార్తల్లోకెక్కినా, ప్రభాస్ మాటలతో ఆ ‘టేబుల్ ప్రాఫిట్’ వార్తలు తప్పని తేలిపోయాయి.
Poll: బాహుబలి రికార్డ్స్ ని సాహో బద్దలు కొడుతుందా?
మరి, ‘బాహుబలి’లా ‘సాహో’ ప్రభంజనం సృష్టిస్తుందా.? అంటే, ‘డౌట్ లేకుండా..’ అని ట్రేడ్ పండితులు అంచనా వేస్తున్నారు. మరోపక్క, ‘సాహో’ సినిమాకి మార్కెటింగ్ విషయంలో కొంత గందరగోళం కన్పిస్తోందంటూ రెబల్ స్టార్ ప్రభాస్ అభిమానులు ఆందోళన చెందుతున్నారు. ‘బాహుబలి’ని రాజమౌళి మార్కెట్ చేసినట్లు, ‘సాహో’ని మార్కెట్ చేయకపోవడంతో చేరాల్సిన స్థాయికి ‘హైప్’ చేరలేదన్నది వారి ఆవేదన. అయినాగానీ, ప్రభాస్ భరోసా ఇస్తున్నాడు.. నిర్మాతలు కాన్ఫిడెంట్గా కన్పిస్తున్నారు. దాదాపు 300 కోట్ల ఖర్చయ్యిందంటూ ‘సాహో’ లెక్కలు బయటకొస్తున్నాయ్. మరి, ప్రభాస్ ‘సాహో’తో ఎంత కొల్లగొడతాడో వేచి చూడాల్సిందే.
918674 981988Hey! Good stuff, do tell us when you lastly post something like this! 455130