స్టేజీ మీద స్టార్ హీరో.. ఆ ఈవెంట్లో సందడి చేయడానికి వచ్చే అభిమానులు.. వెరసి పెద్ద హీరోల సినిమాల ఈవెంట్స్ ఓ రేంజ్లో నడుస్తుంటాయి. ప్రభాస్ని ఆలిండియా స్టార్గా రాజమౌళి అభివర్ణించేశాడు. అది నిజం. ‘బాహుబలి’తో ప్రభాస్ని ఆలిండియా హీరోని చేసింది రాజమౌళే మరి. ఇక, ప్రభాస్ మాత్రం అందరికీ ‘డార్లింగ్’గానే ఇష్టం. అవును, ప్రభాస్ కూడా ఆ పిలుపునే ఇష్టపడతాడు. ‘సాహో’ ప్రీ రిలీజ్ ఈవెంట్ సందర్భంగా ప్రభాస్ మాట్లాడుతున్నంతసేపూ, అభిమానుల్లోంచి ఒకటే నినాదం.. ‘డార్లింగ్ డార్లింగ్..’ అని. ‘వి లవ్ యూ డార్లింగ్..’ అని అభిమానులు గోల చేయడం, ‘మి టూ లవ్ యూ డార్లింగ్’ అని ప్రభాస్ చెప్పడం.. ఇలా సాగింది ప్రీ రిలీజ్ ఈవెంట్.
దాదాపుగా ప్రభాస్ ‘సాహో’ టీమ్లో ఎవర్నీ మర్చిపోలేదు. టెక్నిషియన్లందర్నీ గుర్తు చేసుకున్నాడు. చిన్న వయసులోనే పెద్ద పెద్ద టెక్నీషియన్లను హ్యాండిల్ చేసిన దర్శకుడు సుజీత్ గురించి అయితే ప్రభాస్ చాలా గొప్ప మాటలు చెప్పాడు. 22 ఏళ్ళ వయసులోనే ‘రన్ రాజా రన్’ సినిమా చేసిన సుజీత్, అప్పుడే తనకు ‘సాహో’ కథ చెప్పాడనీ, ఆ తర్వాత ఆ కథ చాలా పెద్దదిగా మారిందనీ, చిన్న సినిమానీ పెద్దగా చూపించే యూవీ క్రియేషన్స్, ‘సాహో’ సినిమా కోసం ముందూ వెనుకా చూడకుండా ఖర్చు చేసిందనీ, అంత ఖర్చు చేస్తున్న సినిమాకి తన శక్తికి మించి సుజీత్ ఔట్పుట్ ఇచ్చేందుకు పడ్డ కష్టం తనకు బాగా తెలుసనీ అన్నాడు
. ‘డార్లింగ్స్.. మీ కోసమే ఇదంతా.. మీ కోసమే సినిమాలో వాడిన వెహికిల్స్ని ఇక్కడ చూపిస్తున్నాం.. నచ్చాయా.? హ్యాపీనా..’ అంటూ ప్రభాస్ అడిగిన తీరుకి అభిమానులు ఫిదా అయిపోయారు. ఔను, ప్రభాస్ అందరికీ డార్లింగ్.. డార్లింగ్ అన్న పిలుపుకంటే పెద్ద పేరు ప్రభాస్కి ఇంకేమివ్వగలం.?
569717 417850Yay google is my world beater assisted me to locate this great internet web site ! . 295536