అమెరికాలో కరోనా వ్యాక్సిన్ అందరికీ సమంగా అందేందుకు గూగుల్ 150 మిలియన్ డాలర్ల భారీ సాయం ప్రకటించింది. ఇందులో 100 మిలియన్ డాలర్లు సీడీసీ ఫౌండేషన్, వరల్డ్ హెల్త్ ఆర్గనైజేషన్ తోపాటు ఇతర స్వచ్చంధ సంస్థలకు అందించాలని నిర్ణయించింది. వ్యాక్సిన్ గురించి అందరికీ సమాచారం అందేలా ప్రజారోగ్య సంస్థలతో భాగస్వామ్యం కోసం 50 మిలియన్ డాలర్లు పెట్టుబడిగా పెడుతోంది. ఈమేరకు గూగుల్ సీఈఓ సుందర్ పిచాయ్ ఓ ప్రకటనలో తెలిపారు. ప్రజల్లో తారతమ్యాలు లేకుండా వ్యాక్సిన్ పంపిణీ జరిపించాలనేదే మా ప్రయత్నమని అన్నారు.
వ్యాక్సిన్ విషయంలో అమెరికాలో వర్ణ వివక్ష జరుగుతోందని.. రూరల్ ఏరియాల్లో ఒకే ధరకు వ్యాక్సిన్ అందడం లేదని తమ దృష్టికి వచ్చినట్టు పిచాయ్ అన్నారు. ఈమేరకు న్యూయార్క్, వాషింగ్టన్, లాస్ ఏంజిల్స్, శాన్ ఫ్రాన్సిస్కో, కిర్క్లాండ్ నగరాల్లోని తమ భవనాలు, పార్కింగ్ లాట్స్, ఓపెన్ స్పేసే ఏరియాల్లో కరోనా వ్యాక్సినేషన్ క్లినిక్స్ ఏర్పాటు చేస్తున్నట్లు కూడా ప్రకటించారు. గూగుల్ మ్యాప్స్ ద్వారా టీకా పంపిణీ కేంద్రాల సమాచారాన్ని సులువుగా పొందే ఏర్పాట్లు చేస్తున్నామని ప్రకటించారు.
693562 76215There is noticeably a great deal of dollars to comprehend this. I suppose you created specific nice points in functions also. 8798