టీడీపీ నుంచి ఎవర్నన్నా బయటకు పంపాలంటే, ముందుగా సోషల్ మీడియాలో సదరు వ్యక్తి మీద దుష్ప్రచారం షురూ అవుతుంది. ఆ తర్వాత టీడీపీ అనుకూల మీడియాలో కథనాలొస్తాయ్.. ఈ ‘పెంట’ భరించలేక, ఆయా వ్యక్తులు టీడీపీకి దూరమవుతుంటారు. ఇది టీడీపీ మార్కు చెత్త రాజకీయం.. దీన్ని చంద్రబాబు మార్క్ రాజకీయం అని కూడా అంటుంటారు.
ఇక, ఇప్పుడు ఈ పైత్యం వైఎస్సార్సీపీకి కూడా గట్టిగానే అంటుకున్నట్లుంది. వైసీపీ అభిమానులు, సోషల్ మీడియా వేదికగా వైసీపీ ఎంపీ రఘురామకృష్ణంరాజుపై బురద జల్లుతున్నారు. ప్రభుత్వ నిర్ణయాల్ని రఘురామకృష్ణంరాజు ప్రశ్నిస్తుండడమే ఇందుకు కారణం. నిజానికి, ఆయన ప్రశ్నించడంలేదు.. ప్రభుత్వాన్ని అప్రమత్తం చేస్తున్నారు.
ఇంగ్లీషు మీడియం విషయంలోనూ, ఇసుక కుంభకోణం విషయంలోనూ రఘురామకృష్ణంరాజు తన అభిప్రాయాల్ని కుండబద్దలుగొట్టేశారు. మత మార్పిడులు సహా అనేక అంశాలపై ఆయన గళం విప్పారు. మొదటి నుంచీ ఆయన వైఖరి అంతే. అది తెలిసే, ఆయన్ని వైసీపీలోకి ఆహ్వానించారు వైఎస్ జగన్ మోహన్రెడ్డి. రఘురామకృష్ణంరాజు బీజేపీ మనిషి అని జగన్కి తెలియదా.? వైసీపీలో ఇంకెవరికీ తెలియదా.? కానీ, ఇప్పుడు వైసీపీ అభిమానులు మాత్రం, ‘బీజేపీలోకి వెళ్ళాలని ఆరాటపడుతున్నారు.. దమ్ముంటే పార్టీకి రాజీనామా చేయాలి..’ అంటూ రఘురామకృష్ణంరాజుని ట్రోల్ చేస్తున్నారు.
అంతేనా, ‘పార్టీ నుంచి సస్పెండ్ అయ్యేందుకోసం ప్రయత్నిస్తున్నారు.. అందుకే పార్టీపై బురద జల్లుతున్నారు..’ అంటూ దుమ్మెత్తి పోసేస్తున్నారు. సోషల్ మీడియాలోనే కాదు, వెబ్ మీడియాఓలనూ రఘురామరాజుపై దుష్ప్రచారం జరుగుతోంది.. ఇదంతా వైసీపీ పెద్దలకు తెలియకుండా జరుగుతున్న వ్యవహారమని ఎలా అనుకోగలం.? పైగా, వైసీపీ పెంచి పోషిస్తోన్న వెబ్ మీడియాలోనూ ఈ తరహా కథనాలొస్తున్నాయ్ మరి. చూస్తోంటే, ఓ ప్లాన్ ప్రకారం రఘురామకృష్ణంరాజుని వైసీపీ నుంచి బయటకు పంపే ప్రయత్నాలు జరుగుతున్నాయని అనుకోవాలేమో.
అదే గనుక జరిగితే, ఆ తర్వాత పరిస్థితులు వేరేలా వుంటాయ్. ఆల్రెడీ విజయసాయిరెడ్డి విషయంలో నానా యాగీ జరుగుతోంది. మరికొందరు ఎమ్మెల్యేలు, ఎంపీల విషయంలోనూ కుప్పలు తెప్పలుగా గుసగుసలు విన్పిస్తున్నాయి. ఏమో, ఇదంతా చూస్తోంటే.. టీడీపీ గతంలో చేసిన తప్పిదాలే, ఇప్పుడు వైసీపీ చేస్తోందని అన్పించడంలేదూ.! పొద్దున్న లేస్తే చంద్రబాబుని తిట్టడమే పనిగా పెట్టుకునే వైసీపీ, తెలిసో తెలియకో.. ఆయన భావజాలాన్ని కూడా బాగానే వంటపట్టించుకుంటున్నట్లుంది.
154419 58272Id forever want to be update on new articles on this website, bookmarked ! . 128149
834707 318288But one more intelligent weblog! Completely cannot wait for a good deal more! 342223