Kavitha: కవితమ్మా.! జైలుకెళ్ళడమంటే అంత సరదానా.?

Kavitha: తెలంగాణ ఉద్యమం నేపథ్యంలో పోలీస్ కేసుల్ని ఎదుర్కొన్నారు గనుక.. అరెస్టులు, జైలు.. అంటే భారత్ రాష్ట్ర సమితి నేతలకు పెద్దగా కష్టం అనిపించకపోవచ్చు. కానీ, ఒకప్పటి రాజకీయం వేరు.. ఇప్పటి రాజకీయం వేరు. ఏపీలో రాజకీయం చూస్తున్నాం కదా.? అరెస్టు చేసి, లోపలేసి కుమ్మేస్తున్నారట.

అసలు విషయంలోకి వస్తే, బీఆర్ఎస్ నేత, ఎమ్మెల్సీ కవిత(Kavitha).. తాను అరెస్టవడం ఖాయమంటున్నారు. ఢిల్లీ లిక్కర్ స్కామ్ నేపథ్యంలో కవిత పేరు ప్రముఖంగా వినిపిస్తున్న సంగతి తెలిసిందే. ఆమె గతంలో విచారణకు కూడా హాజరయ్యారు. ప్రముఖులు అరెస్టవుతుండడంతో, కవిత అరెస్టు తప్పదన్న ప్రచారం జరుగుతోంది.

‘కవిత జైలుకు వెళ్ళడం ఖాయం..’ అని చెబుతున్నారు బీజేపీ నేతలు. ఈ నేపథ్యంలో, ‘జైలుకు వెళ్ళాల్సి వచ్చినా భయపడేది లేదు..’ అని పదే పదే కవిత చెబుతున్నారు. ‘నేను తప్పు చేయలేదు.. జైలుకు వెళ్ళను..’ అని కదా అనాలి.? కానీ, కవిత స్వరం వేరేలా మారుతోంది.

ఈ ఏడాది తెలంగాణలో అసెంబ్లీ ఎన్నికలు జరగనున్నాయి. ఈ నేపథ్యంలో కవిత గనుక అరెస్టయితే, రాజకీయంగా అది భారత్ రాష్ట్ర సమితికి బోల్డంత పొలిటికల్ మైలేజ్ తెచ్చిపెడుతుంది. రాజకీయాల్లో ఈక్వేషన్స్ ఇలాగే తగలడతాయ్ మరి. జైలుకెళితే, రాజకీయాల్లో సూపర్ స్టార్స్ అయిపోతారు కదా..?

వైఎస్ జగన్ అక్రమాస్తుల కేసు ఆయన్ని ముఖ్యమంత్రి పీఠమెక్కించిందన్నదాంట్లో ఎవరికీ ఎలాంటి సందేహాల్లేవు. సో, కవిత కూడా ‘ఓ సారి జైలుకెళ్ళొస్తేనో.?’ అని ఆలోచిస్తున్నట్లుగా వుంది పరిస్థితి.

ఎటూ కేసీయార్ జాతీయ రాజకీయాల్లోకి వెళతారు గనుక, తాను తెలంగాణ ముఖ్యమంత్రినవ్వాలని కవిత అనుకుంటున్నారేమో.!