ఏపీలో పరిపాలనా వికేంద్రీకరణ పేరుతో మూడు రాజధానులను ఏర్పాటు చేయాలని నిర్ణయం తీసుకున్న సర్కారు.. ఆ దిశగా చర్యలు ముమ్మరం చేసింది. ఈ అంశంపై కోర్టులో విచారణ జరుగుతున్నప్పటికీ, తన పని తాను చేసుకుని వెళుతోంది. కొత్త రాజధాని శంకుస్థాపనకు ఈనెల 16న ముహూర్తం ఖరారు చేసినట్టు సమాచారం. ఇది దాటితే మరో రెండు నెలల వరకు ముహూర్తాలు లేవని, ఈ నేపథ్యంలో ఆ రోజున శంకుస్థాపన చేయాలనే పట్టుదలతో ఉన్నట్టు తెలుస్తోంది. ఈ మేరకు ప్రధానిని ఆ కార్యక్రమానికి ఆహ్వానించి, ఆయన చేత శంకుస్థాపన చేయించాలని భావిస్తోంది.
ఇదే విషయాన్ని వివరిస్తూ ప్రధాని కార్యాలయానికి లేఖ రాసింది. ముహూర్తానికి వారం రోజుల సమయం మాత్రమే ఉన్నందున సాధ్యమైనంత త్వరగా ప్రధాని అపాయింట్ మెంట్ ఖరారు చేస్తే, సీఎం జగన్ ఢిల్లీ వెళ్లి మోదీని కలిసి శంకుస్థాపనకు ఆహ్వానిస్తారని అందులో పేర్కొన్నారు. ప్రత్యక్షంగా కానీ వర్చువల్ గా గానీ శంకుస్థాపన చేయాలని కోరనున్నారు. వాస్తవానికి మూడు రాజధానుల విషయంలో ప్రస్తుతం హైకోర్టులో విచారణ జరుగుతోంది. ఈనెల 14 వరకు యథాతథ స్థితి కొనసాగించాలని ఆదేశించింది. దీనిపై తదుపరి విచారణ సోమవారం జరగనుంది.
మరోవైపు హైకోర్టు ఆదేశాలపై ఏపీ సర్కారు ఇప్పటికే సుప్రీంకోర్టులో స్పెషల్ లీవ్ పిటిషన్ దాఖలు చేసింది. స్టేటస్ కో ఇస్తూ హైకోర్టు జారీచేసిన ఆదేశాలు సహజ న్యాయసూత్రాలకు విరుద్ధంగా ఉందని అందులో పేర్కొంది. కోర్టుల్లో విచారణలు కొలిక్కి రాకపోయినా ఏపీ సర్కారు మాత్రం శంకుస్థాపనకు సమాయత్తమవుతోంది. అమరావతి రాజధాని శంకుస్థాపనకు వచ్చి మట్టి, నీళ్లు ఇచ్చిన ప్రధాని మోదీ.. ఈ కొత్త రాజధాని శంకుస్థాపనకు హాజరవుతారా అనేది చర్చనీయాంశంగా మారింది.
కోర్టులో ఈ విషయం తేలకపోవడం ఒకటి కాగా, రాజధానిగా అమరావతినే కొనసాగించాలన్నది రాష్ట్ర బీజేపీ వెర్షన్. అయితే, రాజధాని విషయం రాష్ట్ర ప్రభుత్వ పరిధిలో అంశమని.. ఇందులో కేంద్రం జోక్యం చేసుకోబోదని ఇటీవల హైకోర్టులో కేంద్ర హోంశాఖ అఫిడవిట్ కూడా దాఖలు చేసింది. ఈ నేపథ్యంలో ఎలాంటి ఆటంకాలూ లేకుంటే 16న జరగబోయే రాజధాని శంకుస్థాపనకు హాజరయ్యే విషయంలో ప్రధాని ఏం నిర్ణయం తీసుకుంటారనేది ఉత్కంఠగా మారింది. నాలుగైదు రోజుల్లో దీనిపై క్లారిటీ వచ్చే అవకాశం ఉంది.
453829 106426I like this blog its a master peace ! Glad I detected this on google . 876
225588 646185Just a smiling visitor here to share the really like (:, btw outstanding style . “Audacity, a lot more audacity and always audacity.” by Georges Jacques Danton. 265105
488294 43586really nice post, i undoubtedly adore this excellent site, carry on it 920135