ఏడాదిలో చాలా అద్భుతాలు చేసేశామంటోంది వైఎస్ జగన్ ప్రభుత్వం. ‘కేకులు కట్ చేయడం తప్ప, అభివృద్ధి ఏమీ లేదు..’ అంటున్నారు సీనియర్ నేతలు. పైగా, అధికార పార్టీకి చెందిన ప్రజా ప్రతినిథులనుంచే ప్రభుత్వ పాలనపై విమర్శలు వస్తుండడంతో, పార్టీ అధిష్టానం ఈ వ్యవహారాన్ని సీరియస్గా తీసుకోవాల్సిందే. కానీ, ‘పిల్లి మెడలో గంట కట్టేదెవరు.?’ అన్నదే ఇక్కడ మిలియన్ డాలర్ల ప్రశ్న. ‘మా పార్టీకి 151 మంది ఎమ్మెల్యేల బలం వుంది..’ అని పదే పదే అధికార వైఎస్సార్సీపీ నేతలు చెప్పుకుంటూ వస్తున్నారు. ‘ఎంతమంది వుంటే ఏం లాభం.? ప్రజా క్షేత్రంలో ఈ నెంబర్ల గేమ్ అన్ని సార్లూ చెల్లదు’ అని రాజకీయ విశ్లేషకులు తేల్చి చెబుతున్నారు.
ఒకరా.? ఇద్దరా.? అరడజను మందికి పైగా వైసీపీ ముఖ్య నేతలే అసహనం వెల్లగక్కుతున్న వేళ, పార్టీ అధిష్టానం ‘డ్యామేజీ కంట్రోల్’ కోసం ఓ కమిటీని నియమించే ఆలోచనలో వుందట. అయితే, ఈ కమిటీకి ఎవరు నేతృత్వం వహిస్తారు.? అన్నది మరో కీలకమైన విషయం. ఆనం రామనారాయణరెడ్డి లాంటి నేతల్ని ‘అదుపు చేసే’ స్థాయి గల నేతలు వైసీపీలో లేనే లేరన్నది ఆనం వర్గీయుల వాదన. మరోపక్క, ఎంపీ రఘురామకృష్ణంరాజుని బుజ్జగించడమూ అంత ఆషామాషీ వ్యవహారమే కాదు. ‘ముఖ్యమంత్రి అపాయింట్మెంట్ కూడా దొరకడంలేదు..’ అని ప్రజా ప్రతినిథులు ఆరోపించడం చాలా సీరియస్ అంశం. అది నిజమేనా.? ఆ స్థాయిలో పార్టీకి ముఖ్యమంత్రి అందుబాటులో లేకుండా పోయారా.? అని వైసీపీలో గ్రౌండ్ లెవల్ నుంచీ చర్చ జరుగుతోంది.
‘ఓ కోటరీ వైఎస్ జగన్ చుట్టూ వుండి.. ముఖ్య నేతలు, ముఖ్యమంత్రి వరకూ వెళ్ళకుండా చేస్తోంది..’ అన్నది ప్రముఖంగా విన్పిస్తోన్న ఆరోపణ. అయితే, ‘క్లిష్ట పరిస్థితుల్లో రాష్ట్రాన్ని ముఖ్యమంత్రి సమర్థవంతంగా నడిపిస్తున్నారు. ఈ క్రమంలో ఆయనకు క్షణం తీరిక కూడా వుండడంలేదు. ఈ సమయంలో ఈ తరహా అసహన రాజకీయాలు అస్సలేమాత్రం సబబు కాదు..’ అంటూ కొందరు వైసీపీ ముఖ్య నేతలు చెబుతున్నారు. ‘మాకే నీతులు చెబుతారా.?’ అంటూ అసమ్మతి నేతలు మరింతగా అధికార పార్టీ పెద్దలపై విరుచుకుపడేలా చేస్తున్నాయి.. ముఖ్యమంత్రిని, కోటరీని వెనకేసుకొస్తూ కొందరు నేతలు చేస్తున్న వ్యాఖ్యలు.
మొత్తమ్మీద, వీలైనంత త్వరగా ఈ అసమ్మతి గళాన్ని దారికి తీసుకురావాల్సిన బాధ్యత ముఖ్యమంత్రిదే. లేదంటే, పరిస్థితి చెయ్యిదాటడానికి పెద్దగా సమయం పట్టకపోవచ్చు. సరైన సమయం కోసం అటు బీజేపీ, ఇంకోపక్క టీడీపీ ఎదురుచూస్తున్నాయి. బీజేపీ వైపుకు ఓ ఎంపీ, ముగ్గురు ఎమ్మెల్యేలు వెళతారనీ, ఓ ఇద్దరు ఎమ్మెల్యేలను లాగేందుకు టీడీపీ ప్రయత్నం చేస్తోందంటూ రాజకీయ వర్గాల్లో ప్రచారం జరుగుతుండడం కొసమెరుపు.
89039 308342I genuinely enjoyed your wonderful site. Be certain to keep it up. May god bless you !!!! 325384
558669 600549This was an incredible post. Genuinely loved studying your web site post. Your data was quite informative and beneficial. I think youll proceed posting and updating regularly. Seeking forward to your subsequent one. 960384