Vijayakanth: ప్రముఖ తమిళ హీరో, డీఎండీకే పార్టీ (DMDK party) అధినేత విజయ్ కాంత్ (Vijayakanth) చెన్నైలోని ఎం.ఐ.ఒ.టీ ఇంటర్నేషనల్ ఆసుపత్రిలో చికిత్స పొందుతున్నారు. శ్వాస తీసుకోవడంలో ఇబ్బంది తలెత్తడంతో ఆయన్ను కుటుంబసభ్యులు ఆసుపత్రిలో చేర్పించారు. ఈక్రమంలో ఆయన హెల్త్ బులెటిన్ విడుదల చేశాయి ఆసుపత్రి వర్గాలు.
‘విజయ్ కాంత్ ఆరోగ్యం ప్రస్తతం కుదుటపడుతోంది. త్వరలోనే ఆయన కోలుకుంటారని ఆశిస్తున్నాం. మరో 14 రోజులు ఆయన ఆసుపత్రిలోనే ఉండాల’ని పేర్కొన్నాయి. దీంతో పలు ఊహాగానాలకు వైద్యులు చెక్ పెట్టారు. డయాబెటిస్ కారణంగా గతంలోనే ఆయన కుడి కాలి మూడు వేళ్లు తొలగించారు. విజయ్ కాంత్ తమిళంలో 100కు పైగా సినిమాల్లో నటించారు.
కెరీర్లో ఆయన 100వ సినిమా కెప్టెన్ ప్రభాకర్ భారీ విజయం సాధించింది. దీంతో అప్పటినుంచీ ఆయన్ను తమిళనాడులో కెప్టెన్ అనే పిలుస్తారు. తెలుగు ప్రేక్షకులకూ ఆయన పలు డబ్బింగ్ సినిమాలతో సుపరిచితులే. 20కి పైగా సినిమాల్లో ఆయన పోలీస్ పాత్రల్లోనే నటించడం విశేషం. ప్రజలకు సేవ చేయాలని 2005లో ఆయన డీఎండీకే పార్టీని స్థాపించారు.