అల్లు అర్జున్, సుకుమార్ల కాంబోలో తెరకెక్కబోతున్న సినిమా కోసం మెగా ఫ్యాన్స్తో పాటు తెలుగు ప్రేక్షకులు అంతా కూడా చాలా ఆసక్తిగా ఉన్నారు. ఎందుకంటే సుకుమార్ రంగస్థలం చిత్రంతో ఇండస్ట్రీ హిట్ కొట్టగా, బన్నీ అల వైకుంఠపురంలో చిత్రంతో చేస్తున్న సినిమా అవ్వడం వల్ల అంచనాలు ఆకాశాన్ని తాకేలా ఉన్నాయి అనడంలో ఎలాంటి సందేహం లేదు. ఇద్దరు ఇండస్ట్రీ హిట్ తర్వాత చేస్తున్న సినిమా అది కూడా కలిసి చేస్తున్న సినిమా అంటే ఎవరికైనా ఆసక్తి ఉంటుంది.
ఇంతటి క్రేజ్ ఉన్న సినిమాలో కీలక పాత్రకు గాను తమిళస్టార్ విజయ్ సేతుపతిని నటింపజేయబోతున్నట్లుగా మొన్నటి వరకు వార్తలు వచ్చాయి. అయితే తాజాగా విజయ్ సేతుపతి ఒక తమిళ మీడియాతో మాట్లాడుతూ ఆ తెలుగు సినిమాలో నటించేది లేనిది సుకుమార్ను అడిగితే బాగుంటుంది అన్నాడట. సుకుమార్ ఇంకా ఆయన్ను సంప్రదించాడా లేదా అనే విషయమై ఆయన క్లారిటీ ఇవ్వలేదు.
ఆయన వ్యాఖ్యలతో బన్నీ సినిమాలో ఈయన ఉన్నాడా లేడా అనే చర్చ మొదలైంది. విజయ్ సేతుపతి ఉంటే సినిమాకు మంచి వెయిట్ పెరుగుతుందని అనుకున్నారు. ఫారెస్ట్ ఆఫీసర్గా ఆయన కనిపించనుండగా హీరోకు ఆయనకు చాలా గట్టి పోటీ ఉంటుందని పుకార్లు వచ్చాయి. కాని అవన్నీ పుకార్లే అని, విజయ్ ఇంకా సినిమాలో నటించేందుకు కమిట్ కాలేదని తెలుస్తోంది. ఆయన్ను సుకుమార్ సంప్రదించాడా లేదా అనే విషయం ప్రస్తుతం ఆసక్తికరంగా ఉంది. ఇప్పటికే ప్రారంభం కావాల్సిన ఈ చిత్రం షూటింగ్ కరోనా కారణంగా వాయిదా పడ్డ విషయం తెల్సిందే.
385204 265478I visited lots of website but I conceive this 1 contains something special in it in it 862728