ఈ రోజుల్లో ఒక్క బిడ్డని పెంచి పోషించడమే చాలా కష్టంగా మారిపోతోంది చాలా మందికి. అలాంటిది ఉగాండాలో ఓ మహిళ ఒకరు కాదు, ఇద్దరు కాదు, పది మంది కాదు, పాతిక మందీ కాదు.. ఏకంగా 38 మందికి జన్మనిచ్చింది. ఆమె పేరు ‘మరియం నబతాంజీ’. వయసు 39 ఏళ్లు. ఆమెకు జన్మించిన పిల్లల్లో ట్విన్స్‌ ఉన్నారు. ట్రిపులెట్స్‌ ఉన్నారూ.. క్వాడ్రప్లెట్స్‌ ఉన్నారు.. మొత్తం ఆరు జతల ట్విన్స్‌. నాలుగు జతల ట్రిపులెట్స్‌ ఉన్నారు. ఐదు జతల క్వాడ్రప్లెట్స్‌ ఉన్నారు. మొట్ట మొదటి సంతానం 12 ఏళ్లకే సంభవించింది. తొలి సంతానమే కవలలు.
ఆమెకే ఎందుకిలా జరిగిందంటే.. వైద్య పరంగా కూడా ఎంతో ప్రత్యేకమైన కేసుగా వైద్యులు అభివర్ణిస్తున్నారు. ఆమె ఒవేరియన్‌ పెద్దదిగా ఉండడమే దానికి కారణమట. బర్త్‌ కంట్రోల్‌ పిల్స్‌ వేసుకునే అవకాశం ఉన్నా, అది అంత క్షేమకరం కాదనీ, ఆరోగ్యరీత్యా సమస్యలు వస్తాయని వైద్యులు సూచించడంతో కుటుంబ నియంత్రణ పాఠించలేదు. సాధారణంగా ఆఫ్రికాలో సరాసరిన ఓ మహిళ ఐదు నుండి ఆరుగురు పిల్లల వరకూ జన్మనిస్తుంటుంది. ప్రపంచ సగటు ఈ విషయంలో 2.4 మాత్రమేననీ గణాంకాలు చెబుతున్నాయి.
ఉగాండాలో సంతానం ఎక్కువే. అయినప్పటికీ, మరియం నబతాంజీ కేసు చాలా ప్రత్యేకమైనది. దురదృష్టవశాత్తూ పిల్లల్ని పట్టించుకోకుండా, ఆమె భర్త కుటుంబానికి దూరమయ్యాడు. అప్పటి నుండీ, పిల్లల్ని తన స్వశక్తితోనే పెంచుతోందీ మహిళ. వాస్తవానికి ఇంతమంది పిల్లల్ని కనడం వెనక ఓ దీనగాధ కూడా ఉంది. నబతాంజీని చిన్నప్పుడే ఆమె తల్లి విడిచి పెట్టేసింది. తండ్రి మరో ఐదుగురు తోబుట్టువులతో ఉండాల్సి వచ్చింది నబతాంబీకి. అయితే, ఆమె తండ్రి రెండో పెళ్లి చేసుకున్నాడు. సవతి తల్లి మొత్తం పిల్లలినందర్నీ చంపేయడానికి ప్లాన్ చేసింది. గాజును పొడిగా చేసి, ఆహారంలో కలిపి పెట్టింది. ఆ సమయంలో నబతాంజీ మాత్రమే బంధువుల ఇంటికి వెళ్లడంతో ప్రాణాలతో మిగిలింది. మిగతా ఐదుగురు పిల్లలూ చనిపోయారు.
అలా తోబుట్టువులను కోల్పోయిన నబతాంజీ తన పిల్లల్లోనే తన తోబుట్టువులను చూసుకోవాలని అనుకుంది. 38 మంది పిల్లలతో కనీస వసతులు సరిగా లేని ఓ ఇంట్లో ధైర్యంగా జీవిస్తోంది. ప్రతీరోజూ 25 కిలోల మైజ్‌ ఫ్లోర్‌ ఆహారంగా ఆ కుటుంబానికి అవసరం. చేపలు, మాంసం చాలా చాలా అరుదుగా మాత్రమే తింటారు ఆర్ధిక పరిస్థితుల దృష్ట్యా. శనివారం అందరూ కలిసి పని చేసుకుంటారట. పిల్లలందర్నీ అలా చూస్తుంటే తాను జీవితంలో పడ్డ కష్టాలన్నింటినీ మర్చిపోతానంటోంది నబతాంజీ. పెద్ద పిల్లలు చిన్న పిల్లలకు సాయం చేస్తుంటారు.
అందరిలోకీ పెద్దవాడు ఇవాన్‌ కిబుకా.. వయసు 23 ఏళ్లు. అమ్మ పడే కష్టం చూసి తట్టుకోలేకపోతున్నామనీ, తమ వంతుగా ఆమెకు రకరకాల పనుల్లో సాయం చేస్తుంటామనీ చెప్పాడు. నబతాంజీ హెయిర్‌ డ్రస్సింగ్‌, ఈవెంట్‌ డెకరేటింగ్‌, స్క్రాబ్‌ మెటల్‌ని సేకరించడం, అమ్మడం, లోకల్‌ జిమ్‌ తయారు చేయడం, హెర్బల్‌ మెడిసన్స్‌ని విక్రయించడం వంటి పనుల ద్వారా డబ్బు సమకూరుస్తుంటుంది. తద్వారా కుటుంబాన్ని నిర్వహిస్తుంటుంది.
663149 913755Aw, i thought this was quite a very good post. In concept I would like to devote writing such as this moreover – spending time and actual effort to produce a great article but exactly what do I say I procrastinate alot by no indicates manage to get something done. 279237