సంసార సాగరాన్ని నడిపించే డ్రైవర్లు మహిళలే. ఆకాశంలో సగం. అన్నింటా సగం అని మహిళల గురించి చెబుతుంటాం కానీ, మహిళలు సగం కాదు, అంతకు మించి. భర్త సంపాదనను ఎలా ఖర్చుపెట్టాలి.. అందులోంచి ఎలా కొంత మిగిల్చి కుటుంబాన్ని ఇంకాస్త ముందుకు నడిపించాలి.. అని మహిళలు ఆలోచిస్తుంటారు. అలాంటి మహిళలు ఆఫ్ట్రాల్ వాహనాల్ని నడపలేరా.? పురుషాధిక్య సమాజంలో మహిళలపై ఉన్న కొన్ని ఆంక్షల కారణంగా, డ్రైవింగ్ ఫోర్స్ విషయంలో అతివలు కొంత వెనకడిన మాట వాస్తవమే. నిజానికి వాళ్లు వెనకబడలేదు. వాళ్లని వెనక్కి నెట్టేస్తున్నామంతే.
ఓ వ్యక్తి మహిళల్ని మహరాణులుగా మార్చడానికి ఓ బృహత్కార్యం చేపట్టాడు. అతని పేరు మన్సూర్ అలీఖాన్. ఆయన చేసిందల్లా ‘మక్కల్ పైలెట్’.. అనే విభిన్నమైన ఆలోచన. మహిళలకు ఆటో డ్రైవింగ్లో శిక్షణ ఇప్పించి వారిని పైలెట్స్గా మార్చాడు. ఎమ్.ఆటో అనే యాప్ ద్వారా వీరికి ఉపాధి అవకాశాలు కల్పిస్తున్నాడు. తమిళనాడులో ‘ఎమ్.ఆటో’ గురించి తెలియని వారు దాదాపుగా లేరేమో. 2017లో ఈ బృహత్ కార్యక్రమం ప్రారంభమైంది. మొదట 50 మంది మాత్రమే శిక్షణ పొందారు. ఇప్పుడు ‘ఎమ్.ఆటో’ పైలెట్ల సంఖ్య 330.
కులం, మతం, ప్రాంతం అనే బౌండరీలు కనిపించవిక్కడ. తమిళనాడు రాజధాని చెన్నైతో పాటు, కోయంబత్తూర్, మధురై, తిరుచ్చిలలో ఈ మహిళా పైలెట్లు సేవలందిస్తున్నారు. మరిన్ని ప్రాంతాలకు ఈ ఎమ్. ఆటో విస్తరించబోతోంది. ‘ఎమ్’ అంటే, ‘మక్కల్’.. దానర్ధం ప్రజలు అని. ఒక్కో మహిళా పైలెట్ రోజుకు 500 నుండి 3000 రూపాయల వరకూ సంపాదిస్తున్నారట. మరి మహిళలు కదా, సమస్యలేమీ ఎదురు కావడం లేదా.. అంటే, చిన్న చిన్న సమస్యల్ని పట్టించుకోకుండా, లక్ష్యం వైపు దూసుకుపోవడమే, తమ ఘనత అని చెబుతారు ‘ఎమ్ పైలెట్లు’.
‘ఎమ్.ఆటో’ కోసం తయారు చేసిన యాప్ యూజర్ ఫ్రెండ్లీగా ఉంటుంది. ప్రయాణీకులు పైలెట్ని ఎంచుకోవచ్చు. ఏదైనా కారణంతో ఎంచుకున్న పైలెట్ రాకపోతే, ఐదు, పది నిముషాల్లోనే మరో పైలెట్ మిమ్మల్ని గమ్య స్థానానికి చేర్చుతారు. జీపీఎస్ ట్రాకింగ్ ఉంది. ప్రమాద సమయాల్లో తక్షణ సాయం కోసం కూడా ఏర్పాట్లున్నాయి. మహిళా ప్రయాణీకులకు పూర్తి భద్రత కల్పిస్తోంది ఈ మక్కల్ ఆటో. ప్రయాణీకులు, పైలెట్లు ఇద్దరి భద్రతా ఈ ‘ఎమ్.ఆటో’ ప్రత్యేకత. పేద మహిళలే కాదు, విద్యాధికులైన నిరుద్యోగ మహిళలు కూడా ‘ఎమ్. ఆటో’ పైలెట్లుగా మారుతున్నారు. రోడ్లపై పోకిరీల బెడద తమనేమీ చేయలేదనీ, దీన్నొక పనిగా కాకుండా, గౌరవంగా భావిస్తున్నామనీ, మహిళా పైలెట్లు చెబుతున్నారు.
373758 484123Appropriate wow messages are bound to show your and supply memorialize the speacial couple. Beginner sound system to high in volume crowds should always take a look at all of the great value behind presenting and public speaking, which is to be someones truck. best man speeches brother 928527