ఆంధ్రులకు కలిసిరాని రాజధాని..

మేము ఆంధ్రులం… ప్రపంచంలో ఎక్కడైనా జీవించగలం.. ప్రపంచంలో ఏ దేశంలో చూసినా అక్కడ తెలుగువాడు ముఖ్యంగా ఆంధ్రుడు తప్పకుండా కనిపిస్తాడు. తెలుగువాడు లేని దేశంలేదు. అలాంటి చరిత్ర కలిగిన ఆంధ్రులకు రాజధాని లేకపోవడం విచిత్రం. లేదు లేదు.. ఉంది అంటే ఉంది అన్న చందనా మారింది ఆంధ్రుల రాజధాని.

ఇప్పుడే కాదు ఎప్పటి నుంచో ఆంధ్రులను రాజధాని వెక్కిరిస్తోంది. ఆంధ్ర రాష్ట్రాన్ని ఎందరో రాజులు పరిపాలించారు. రాజులు మారినప్పుడల్లా రాజధాని మారింది. ఆ మార్పు ఇప్పటికి ఇంకా కొనసాగుతూనే ఉన్నది.

రాజ్యాలు పోయాయి. బ్రిటిష్ కాలంలో ఆంధ్రరాష్ట్రం మద్రాస్ ప్రెసిడెన్సీలో భాగంగా ఉండేది. స్వాతంత్రం వచ్చిన తరువాత మద్రాస్ ప్రెసిడెన్సీ నుంచి ఆంధ్ర రాష్ట్రం విడిపోయింది. పొట్టి శ్రీరాములు ఆమరణ నిరాహార దీక్ష ఫలితంగా ఆంధ్రులకు ప్రత్యేక రాష్ట్రం ఏర్పడింది. 1953 అక్టోబర్ 1 వ తేదీన ఈ కొత్తరాష్ట్రం ఏర్పడింది. కర్నూలు రాజధానిగా ఆంధ్రప్రదేశ్ ఏర్పడింది. ఇది మూన్నాళ్ళ ముచ్చటే.

భాషా ప్రాతిపదికన తెలంగాణను ఆంధ్రాలో విలీనం చేసి ఆంధ్రప్రదేశ్ గా మార్చారు. హైదరాబాద్ రాజధానిగా ఏర్పడింది. 58 సంవత్సరాలపాటు హైదరాబాద్ రాజధానిలో ఆంధ్రప్రజలు ఉన్నారు. అయితే, ప్రత్యేక తెలంగాణ ఉద్యమం రావడం, ప్రత్యేక తెలంగాణ రాష్ట్రం ఏర్పడటంతో ఆంధ్రప్రదేశ్ విడిపోయింది. ఆంధ్రప్రదేశ్ కు రాజధాని ఏంటి అన్నది ఇప్పటికి సస్పెన్స్ గా మారింది.

గతంలో అమరావతి రాజధానిగా గుర్తిస్తూ తెలుగుదేశం ప్రభుత్వం కట్టడాలు ప్రారంభించింది. కానీ, ఇప్పుడు వైఎస్ జగన్ అమరావతిని కాదని, మూడు ప్రాంతాల్లో రాజధానులు అభివృద్ధి చేయాలని అంటున్నారు. ఎవరైనా సరే మీ రాజధాని ఏది అని అడిగితే ఫలానా అని చెప్తారు. కానీ, ఆంధ్రప్రదేశ్ విషయంలో రాజధాని ఏది అని అడిగితె ఏం చెప్పాలి. ఏ ప్రాంతం పేరు చెప్పాలి. అసలు ఆంధ్రప్రదేశ్ కు రాజధానిని ఏర్పాటు చేస్తారా లేదంటే ఇలానే కాలయాపన చేస్తూ మరో ఐదేళ్లు గడిపేస్తారా?