అక్కినేని నాగ చైతన్య 2019లో రెండు సినిమాలతో విజయాలను అందుకున్నాడు. ప్రస్తుతం తన కెరీర్ సాఫీగా సాగిపోతోంది. శేఖర్ కమ్ముల దర్శకత్వంలో చైతూ లవ్ స్టోరీ అనే చిత్రాన్ని చేస్తోన్న విషయం తెల్సిందే. సాయి పల్లవి ఈ సినిమాలో కథానాయిక. కరోనా రాకపోయి ఉండుంటే ఈపాటికి ఈ చిత్రం విడుదలైపోయేది కూడా. అయితే ఇంకా కొద్దిపాటి షూటింగ్ మిగిలున్న ఈ చిత్రం వచ్చే సంక్రాంతికి విడుదలయ్యే అవకాశాలు ఉన్నాయి. అక్టోబర్ లో ఈ సినిమా షూటింగ్ తిరిగి మొదలుకావొచ్చు.
తెలంగాణ నేపథ్యంలో సాగే రియలిస్టిక్ ప్రేమకథగా లవ్ స్టోరీ ఉంటుందని అంటున్నారు. ఫిదా తర్వాత శేఖర్ కమ్ముల మరోసారి తెలంగాణ బేస్డ్ ,లవ్ స్టోరీను తెరకెక్కిస్తున్నాడు. తాజాగా ఈ సినిమా గురించి అందుతున్న సమాచారం ప్రకారం ఇందులో ఒక స్పెషల్ లవ్ సాంగ్ ఉందట. సాధారణంగా శేఖర్ కమ్ముల సినిమాల్లో స్పెషల్ సాంగ్స్ ఉండవు.
కానీ కథ డిమాండ్ మేరకు లవ్ స్టోరీలో స్పెషల్ సాంగ్ ను ప్లేస్ చేసాడట. ఈ సాంగ్ లో నాగ చైతన్య కొన్ని డిఫరెంట్ స్టెప్స్ ను ట్రై చేసినట్లు తెలుస్తోంది. ఈ పాటతో మాస్ ఆడియన్స్ ను ఒక ఊపు ఊపడం ఖాయమట. నారాయణ్ దాస్ కె నారంగ్, పి రామ్మోహన్ రావులు ఈ సినిమాను తెరకెక్కిస్తున్నారు. ఇప్పటికే విడుదలైన ఒక పాట ప్రేక్షకులను విశేషంగా ఆకట్టుకుంది.
244368 346755Very informative post. Your current Web site style is awesome as well! 404199