Shobitha: నాగచైతన్య( Naga Chaitanya), సమంత( Samantha)పై ఇంట్రెస్టింగ్ కామెంట్స్ చేసింది శోభిత ధూళిపాళ( Sobhita Dhulipala). కొన్నాళ్లుగా చై తో శోభిత సన్నిహితంగా ఉంటుందంటూ, వాళ్ళిద్దరూ డేటింగ్ లో ఉన్నారంటూ వార్తలు వస్తున్న విషయం తెలిసిందే. అయితే ఆ వార్తలు ఎప్పటికప్పుడు ఆమె ఖండిస్తూనే వస్తుంది. వాటి గురించి వివరణ ఇవ్వాల్సిన అవసరం తనకు లేదంటూ గట్టిగా జవాబిస్తోంది. తాజాగా ఓ ఇంటర్వ్యూలో పాల్గొన్న శోభిత చై, సామ్ ల గురించి మాట్లాడింది.
‘ నాకు తెలిసి సమంత చాలా కూల్ గా ఉంటుంది. నటనలో వైవిధ్యం కనబరుస్తూ ఉంటుంది. తను ఇప్పటివరకు చేసిన ప్రాజెక్టులను చూస్తే అది అర్థమవుతుంది. తన పాత్రలను డీల్ చేసే విధానం బాగుంటుంది. తనను చూసి చాలామంది స్ఫూర్తి పొందుతూ ఉంటారు. ఆమె సినీ కెరీర్ అద్భుతంగా సాగుతోంది’ అని ప్రశంసలు కురిపించింది. ఇక చైతన్య గురించి మాట్లాడుతూ..’ తను చాలా సైలెంట్ గా, హుందాగా ఉంటాడు. ఒదిగి ఉండే లక్షణం తనలో చాలా ఉంది. తన నేచర్ ని ఎవరైనా మెచ్చుకుంటారు. ఇతరుల పట్ల గౌరవంగా నడుచుకుంటారు’ అని చెప్పింది. శోభిత చేసిన వ్యాఖ్యలు నెట్టింట వైరల్ అవుతున్నాయి. ప్రస్తుతం ‘ది నైట్ మేనేజర్ -2’ అనే వెబ్ సిరీస్ లో నటిస్తున్న శోభిత.. ఆ సిరీస్ ప్రమోషన్లలో బిజీగా ఉంది.