భక్తుల కొంగు బంగారమైన బెజవాడ కనకదుర్గమ్మ ఆలయంలో అక్రమాలు రాజ్యమేలుతున్నాయి. కక్కుర్తికి పోయి సిబ్బందే చూపిస్తున్న చేతి వాటం భక్తుల విశ్వాసంపై దెబ్బ కొడుతోంది. ఇతర రాష్ట్రాల నుంచి కూడా అమ్మ దర్శన భాగ్యం కోసం వచ్చే భక్తులెందరో. అలా వచ్చి అమ్మకు భక్తితో సమర్పించే కానుకలను కూడా బొక్కేయడం.. ఉన్నతాధికారుల అండదండలు ఉండటం.. తీవ్రంగా పరిగణించే అంశం. ఇంద్రకీలాద్రిపై ఇన్ని ఆరోపణలకు మూలం ఎవరంటే ఈవో సురేశ్ బాబు వైపే వేళ్లు చూపిస్తున్నాయి.
కొండపై ఏసీబీకి తవ్వేకొద్దీ అక్రమాలు బయటపడుతున్నాయి. అమ్మవారి పట్టుచీరల విషయంలో సిబ్బంది చేసిన అక్రమాలు సంచలనం రేపాయి. దుర్గమ్మకు భక్తులు సమర్పించే ముఖ్యమైన కానుకలు పట్టుచీరలు. వాటిలోనే ఎక్కువ అవకతవకలు జరిగినట్లు ఏసీబీ గుర్తించింది. చీరలను రికార్డుల్లో నమోదు చేయకుండా పక్కన పెట్టినట్టు గుర్తించారు. చీరలు విక్రయించిన ధరలకు, బార్ కోడింగ్ ధరలకు భారీ వ్యత్యాసం ఉంది. 15 వేల చీరలను 2,500లకే కొనుగోలు చేశారు సిబ్బంది. 7వేలు, రూ.3500 విలువ చేసే చీరలు దాదాపుగా లెక్కల్లో లేవు. కౌంటర్లో ఉండాల్సిన చీరలు బీరువాల్లో ఉన్నాయి.
వేలు, లక్షలు ఖరీదు చేసే చీరల్లో సిబ్బందే తక్కువ ధరకే కొనుగోలు చేసినట్టు చూపి దోచేశారని తేలింది. ఇన్ని అక్రమాలు ఈవో సురేష్ బాబుకు తెలిసినా పట్టించుకోలేదని తెలుస్తోంది. ఇప్పటికే ఈవోపై అనేక అవినీతి ఆరోపణలు వచ్చాయి. ఇవే కాకుండా కొండపై కోట్లాది రూపాయల అవినీతిని ఏసీబీ బయటపెట్టింది. ప్రసాదం, సరుకుల కొనుగోళ్లు, దర్శనం టికెట్లు, సెక్యూరిటీ టెండర్లు, శానిటైజేషన్ కాంట్రాక్టులు.. ప్రతి అంశంలోనూ అవినీతే. టెండర్ల కేటాయింపులు, కాంట్రాక్టర్ల చెల్లింపులపై ప్రీ ఆడిట్ అభ్యంతరాలున్నా ఈవో సురేష్ బాబు పట్టించుకోలేదని తేలింది.
రూల్స్ కు విరుద్ధంగా కేఎల్ టెక్నాలజీస్ కు కాంట్రాక్టులు.. ఈ-టెండర్ల విషయంలో తక్కువ సొమ్ముకే కోట్ చేసిన స్పార్క్ కంపెనీని కాదని.. మ్యాక్స్ సంస్థకు కట్టబెట్టినట్లు తెలుస్తోంది. ఇన్ని అక్రమాలకు ఈవో సురేష్ బాబే కారణమనే ఆరోపణలున్నాయి. ఇన్ని అక్రమాలు బయటపడటంతో ప్రభుత్వం ఈవోను బదిలీ చేసింది కానీ.. సస్పెండ్ చేయలేదనే విమర్శలూ వస్తున్నాయి. మరి.. ప్రభుత్వం ఈ అంశంపై ఏస్థాయిలో కఠిన చర్యలు తీసుకుంటుందో చూడాల్సి ఉంది.
408721 431514Id need to talk to you here. Which isnt something Which i do! I love to reading a post that should get men and women to believe. Also, thank you for allowing me to comment! 672600