Renu Desai: ఆమె నా బాధ అర్దం చేసుకున్నందుకు ఏడుపొచ్చింది: రేణూ దేశాయి

Renu Desai: నటి రేణు దేశాయ్ (Renu Desai) భావోద్వేగానికి గురయ్యారు. తన గురించి ఓ మహిళ పాజిటివ్ గా మాట్లాడుతున్న వీడియోను ఆమె ఇన్ స్టా (Instagram) లో పోస్ట్ చేశారు. ఆమె తన గురించి మాట్లాడుతుంటే కన్నీళ్లు వచ్చాయని పేర్కొన్నారు. హీరోహీరోయిన్లు పెళ్లి చేసుకోవడం, విడిపోవడంపై ఓ మహిళ మాట్లాడారు. ప్రతిసారీ హీరోయిన్నే తప్పుపడతారు కానీ.. హీరోను ఏమీ అనరు అంటూ సమాజంలో వారిపై ఇది వ్యతిరేకత అంటూ ఆమె మాట్లాడారు. ఈ వీడియోనే రేణు దేశాయ్ (Renu Desai) పోస్ట్ చేస్తూ..

‘ఈమె ఎవరో నాకు తెలీదు. నా గురించి ఎందుకు మాట్లాడుతుందో తెలీదు. కానీ.. మొదటిసారి బహిరంగ వేదికపై నా తరపున ఒకరు మాట్లాడటం విని భావోద్వేగానికి గురయ్యాను. ఈ వీడియోను నాకు తెలిసిన వారు పంపించారు. ఆమె మాటలు విని బాధతో కన్నీళ్లు వచ్చేశాయి. నేనేదైనా మాట్లాడితే.. ఎన్నికలు వస్తున్నాయి కాబట్టి ఏదొక రాజకీయ పార్టీకి మద్దతుగా మాట్లాడుతున్నట్టు కామెంట్లు చేస్తున్నారు. ఈ వీడియోతో నన్ను అర్ధం చేసుకునేవారు సమాజంలో ఉన్నారనే ధైర్యం వచ్చింది’ అని అన్నారు.