తెలుగు న్యూస్ ఛానెళ్ల రంగంలోకి కొన్నేళ్ల క్రితం టీవీ 9 ఓ సంచలనంలా దూసుకొచ్చింది. అప్పటికీ, ఇప్పటికీ టీవీ 9 పేరు ప్రఖ్యాతలు తగ్గలేదు. వివాదాలు మాత్రం పెరుగుతూ వచ్చాయి. దేశ వ్యాప్తంగా ఈ నెట్‌వర్క్‌ పలు భాషలకు విస్తరించింది. టీవీ 9 అంటే రవిప్రకాష్‌, రవిప్రకాష్‌ అంటే టీవీ 9. కానీ, అది నిన్నటి మాట. ఇప్పుడు రూటు మారిపోయింది. టీవీ 9 సిఈఓ రవిప్రకాష్‌ ఇప్పుడు కేవలం ఓ వాటాదారు మాత్రమే. అంతకు మించి టీవీ 9లో ఆయన పెత్తనం ఇకపై చెల్లదు. బోర్డ్‌ మీటింగ్స్‌కి వాటాదారుగా హాజరవ్వచ్చని టీవీ 9 యాజమాన్యం పేర్కొంది. కానీ సిఈఓని తొలగించాక, ఏ మొహం పెట్టుకుని మళ్లీ ఆ సంస్థ గడప తొక్కుతారాయన.
అసలేమైంది.? రవిప్రకాష్‌కి ఎందుకీ పరిస్థితి దాపురించింది.? ఎవరూ ఊహించని విధంగా రవిప్రకాష్‌ మీద ఎందుకు వేటు పడింది.? అని చాలా మంది చర్చించుకుంటున్నారు. అన్ని చర్చల్లోనూ ఒక్కటే సారాంశం. ఇది రవిప్రకాష్‌ స్వయంకృతాపరాధమే. తెలుగు మీడియా రంగంలో చాలా న్యూస్ ఛానెల్స్‌ ఉన్నాయి. వాటికి పేరొందిన అధిపతులూ ఉన్నారు. కానీ, రవిప్రకాష్‌లా ఎవ్వరూ పబ్లిసిటీని కోరుకోలేదు. అయితే, ఆ పబ్లిసిటీ కూడా కొంతవరకూ తప్పు కాకపోవచ్చు. రవిప్రకాష్‌ ఆ పబ్లిసిటీ విషయంలో కూడా హద్దులు దాటేశారు. మీడియా అంటే బ్లాక్‌మెయిలింగ్‌ అనే స్థాయికి రవిప్రకాష్‌ జర్నలిజం విలువల్ని దిగజార్చేశారనే బలమైన అభిప్రాయం అంతటా వినిపిస్తుంటుంది.
రవిప్రకాష్‌ బెదిరింపులకు సంబంధించి కొంతమంది బాధితులు తమ ఆవేదనను చాలా సందర్భాల్లో వెల్లగక్కారు. కానీ, అప్పట్లో అవన్నీ చెల్లిపోయాయి. ఎప్పుడయితే అలంద మీడియా సంస్థ టీవీ 9ని కొనుగోలు చేసిందో, ఒక్కసారిగా పరిస్థితులు మారిపోయాయి. కొత్త యాజమాన్యాన్ని తన సహజ శైలిలో ఇబ్బందులు పెట్టాలని చూసిన రవిప్రకాష్‌కి తగిన శాస్తే జరిగింది. రవిప్రకాష్‌ని బయటికి పంపేశారు. ఆయన స్థానంలో కన్నడ టీవీ 9 హెడ్‌ మహేంద్ర మిశ్రాని తాత్కాలికంగా నియమించారు. సీఓఓగా గొట్టిపాటి సింగారావును నియమించింది కొత్త యాజమాన్యం.
గురువారమే రవిప్రకాష్‌ తొలగింపుకు సంబంధించి ప్రచారం జరిగింది. ఆయన ఇంట్లో పోలీసులు సోదాలు నిర్వహించిన సంగతి తెలిసిందే. అయితే, అదంతా దుష్ప్రచారమని, తనను ఎవరూ తొలిగించలేదనీ, టీవీ 9 లైవ్‌లో కనిపించి, సాటి మీడియా సంస్థలపై అసహనం వ్యక్తం చేశారు రవిప్రకాష్‌. వార్తలు ఎలా రాయాలో పాఠాలు చెప్పే ప్రయత్నమూ చేశారు. కానీ ఆయా మీడియా సంస్థలు చెప్పిందే నిజమైంది. రవిప్రకాష్‌ లైవ్‌లో చెప్పిందంతా బూటకమని తేలిపోయింది.
టీవీ 9 అంటే ఓ బ్రాండ్‌. ఆ టీవీ 9కి రవిప్రకాషే బ్రాండ్‌ అంబాసిడర్‌. ఆ రవిప్రకాష్‌కి టీవీ 9 ట్యాగ్‌ లేకపోతే పరిస్థితి ఏంటీ.? కొత్త కుంపటి పెట్టే సత్తా ఆయనకుందా.? వాటాదారుడిగా టీవీ 9లో కొనసాగుతారా.? జర్నలిస్టుగా ఆయన మళ్లీ కనిపించడంపై చాలా అనుమానాలు వ్యక్తమవుతున్నాయి. ఎందుకంటే, ఇన్నేళ్లలో ఆయన మిత్రుల కంటే, శత్రువులనే ఎక్కువ సంపాదించుకున్నారని మీడియా రంగంలో చాలా మంది చెబుతుంటారు. రవిప్రకాష్‌ మాత్రమే ఆయనకు చెందిన టీమ్‌ కూడా ఇప్పుడు సమస్యల్లో పడిందని సమాచారమ్‌. వాట్‌ నెక్స్‌ట్‌ రవిప్రకాష్‌.?
671634 400147Should you are viewing come up with alter in most with the living, starting point normally L . a . Weight reduction cutting down on calories platform are a wide stair as part of your attaining that most agenda. weight loss 210015
78108 656703Thank you for the auspicious writeup. It in fact was a amusement account it. Look advanced to more added agreeable from you! Nevertheless, how could we communicate? 599604