Ram Charan: గ్లోబల్ స్టార్ రామ్ చరణ్ (Ram Charan) హీరోగా బుచ్చిబాబు సనా దర్శకత్వంలో తెరకెక్కుతున్న RC16పై భారీ అంచనాలు నెలకొన్నాయి. ప్రస్తుతం రామ్ చరణ్ గేమ్ చేంజర్ (Game Changer) లో నటిస్తున్నారు. ఈ సినిమా పూర్తయ్యాక వేసవి నుంచి RC16 ప్రారంభించనున్నారని సమాచారం. అయితే.. RC16 గురించి ఓ వార్త వైరల్ అయింది. ఉత్తరాంధ్రకు చెందిన మల్లయోధుడు కోడి రామ్మూర్తి జీవితకథతో సినిమా తెరకెక్కనుందని వార్త ప్రచారంలోకి వచ్చింది. ఇవన్నీ రూమర్స్ అంటూ ఓ మీడియా సంస్థ క్లారిటీ ఇచ్చింది.
‘RC16పై వస్తున్న వార్త అవస్తవం. సినిమా మల్లయోధుడు కోడి రామ్మూర్తి జీవితకథ కాదు. ఇదొక స్పోర్ట్స్ డ్రామా. పల్లెటూరు నేపథ్యంలో తెరకెక్కుతోంద’ని పేర్కొంది. దీంతో సినిమా కథపై వస్తున్న వార్తలకు చెక్ పడినట్టయింది. RC16లో ముఖ్య పాత్రలో కన్నడ స్టార్ హీరో శివరాజ్ కుమార్ నటిస్తున్నారు. ఏఆర్ రెహమాన్ సంగీతం అందిస్తున్నారు. హీరోయిన్ గా జాహ్నవి కపూర్ నటిస్తున్నట్టు తెలుస్తోంది. మైత్రీ మూవీస్ సంస్థ ఈ సినిమాను నిర్మిస్తోంది.