వరుణ్ సందేశ్తో తలపడి విజయం సాధించాడు ఓ టాస్క్లో రాహుల్ సిప్లిగంజ్. ఒక్కటంటే ఒక్క టాస్క్లో అయినా సరిగ్గా పెర్ఫామ్ చేశావా.? అలాంటిదేమన్నా వుంటే చెప్పు.! అని శ్రీముఖి, రాహుల్ని ఇటీవల బిగ్హౌస్లో ఎగతాళి చేసిన విషయం విదితమే. దానికి సరైన సమాధానమే ఇచ్చాడు రాహుల్ సిప్లిగంజ్.. అదీ శ్రీముఖి మీద గెలిచి. టిక్కెట్ టు ఫినాలే రేస్కి సంబంధించిన డోమినోస్ని నిలబెట్టే టాస్క్లో శ్రీముఖి మీద రాహుల్ సిప్లిగంజ్ గెలవడం గమనార్హం. ఈ గెలుపుతో రాహుల్ సరాసరి ఫినాలెకి చేరుకున్నాడు.
బిగ్హౌస్ నుంచి ఫినాలే రేస్కి చేరుకున్న తొలి కంటెస్టెంట్ రాహుల్ సిప్లిగంజ్ అయ్యాడు ఈ సీజన్లో. కన్ఫెషన్ రూమ్లోకి రాహుల్ సిప్లిగంజ్ని పిలిచిన బిగ్బాస్, అభినందించడమే కాకుండా.. టిక్కెట్ టు ఫినాలెకి సంబంధించి ‘గుర్తింపు’ని కూడా అందించాడు. అది తీసుకుని రాహుల్ సిప్లిగంజ్ హౌస్లో ఇతర సభ్యులకు చూపిస్తూ ఎమోషన్కి గురయ్యాడు. ‘మమ్మీ.. ఇదిగో నేను సాధించాను.. టాస్క్లో బాగా ఆడాను..’ అంటూ చెమర్చిన కళ్ళతో తన తల్లికి కూడా చెప్పుకున్నాడు బిగ్బాస్ కెమెరా ద్వారా రాహుల్ సిప్లిగంజ్.
మరోపక్క, శ్రీముఖి పరిస్థితి మరీ దారుణంగా తయారైంది. తాను ఓడినందుకు కాదు, రాహుల్ గెలిచినందుకు ఆమె చాలా బాధపడిపోయింది. ‘అదృష్టం నాకెప్పుడూ కలిసిరాదు..’ అంటూ, ఏదో అదృష్టవశాత్తూ రాహుల్ గెలిచేశాడన్న సంకేతాలు పంపింది బాబా భాస్కర్తో మాట్లాడుతూ శ్రీముఖి.
ఈ సీజన్లో శ్రీముఖి నుంచి చాలాసార్లు అవమానాల్ని ఎదుర్కొన్నాడు రాహుల్ సిప్లిగంజ్. చివరికి ఆమె మీదనే గెలిచి, టిక్కెట్ టు ఫినాలే సొంతం చేసుకుని రాహుల్.. తాను ఈ సీజన్కి కింగ్ అని నిరూపించేసుకున్నట్లే. టైటిల్ గెలవడం సంగతి ఆ తర్వాత.. ప్రస్తుతానికైతే రాహుల్ ది విన్నర్.. అనాల్సిందేనేమో. ఇకపై అయినా రాహుల్ మీద శ్రీముఖి డామినేషన్ ఆగిపోతుందా? వేచి చూడాలి.
541512 477551Utterly composed topic material , thanks for selective info . 902138