హీరో వరుణ్ తేజ్ (Varun Tej), లావణ్య త్రిపాఠి (Lavanya Tripathi)ల వివాహం ఇటీవల ఇటలీలో ఘనంగా జరిగిన విషయం తెలిసిందే. ఈ వెడ్డింగ్ పార్టీలో హీరోయిన్ రీతు వర్మ (Reethu Varma) సందడి చేసింది. ఐకాన్ స్టార్ అల్లు అర్జున్( Allu Arjun) ఇచ్చిన ప్రీ వెడ్డింగ్ పార్టీలో కూడా రీతు స్పెషల్ ఎట్రాక్షన్ గా నిలిచింది. ఈ ఫోటోలు సోషల్ మీడియాలో వైరల్ అవ్వడంతో నెటిజెన్స్ భిన్నంగా స్పందించారు. ఆమె మెగా ఫ్యామిలీకి చెందిన ఓ హీరోతో రిలేషన్ లో ఉందని కామెంట్స్ కూడా చేశారు. దీనిపై హీరో వైష్ణవ్ తేజ్ (Vaishnav Tej) స్పందించారు. తాను నటిస్తున్న ‘ఆదికేశవ’ సినిమా ప్రమోషన్స్ లో పాల్గొన్న ఆయన ఈ విషయం పై క్లారిటీ ఇచ్చారు. రీతు- లావణ్య మంచి ఫ్రెండ్స్ అని అందుకే తను పెళ్లికి హాజరైనట్లు తెలిపారు. అంతకుమించి ఏమీ లేదని స్పష్టం చేశారు.
ఇక ‘ఆదికేశవ’ విషయానికొస్తే.. ఇందులో వైష్ణవ్.. రుద్ర కాలేశ్వర్ రెడ్డి గా కనిపించనున్నారు. శ్రీ లీల( Sree Leela) ఇందులో హీరోయిన్. శ్రీకాంత్ ఎన్. రెడ్డి దర్శకుడు. సీనియర్ నటి రాధిక, అపర్ణ దాస్ తదితరులు కీలకపాత్రలు పోషిస్తున్నారు. ఈ సినిమా ఈనెల 24న విడుదల కానుంది. ఇప్పటికే ఈ సినిమా నుంచి విడుదలైన పాటలు, టీజర్ సినిమాపై అంచనాలను పెంచుతున్నాయి.