Rashmika: ఆహా (Aha) ఓటీటీలో నందమూరి బాలకృష్ణ (Bala Krishna) వ్యాఖ్యతగా వ్యవహరిస్తున్న ‘అన్ స్టాపబుల్’ (Unstoppable) ప్రేక్షకుల్ని ఆకట్టుకుంటున్న సంగతి తెలిసిందే. ప్రముఖ సినీ సెలబ్రిటీలతో బాలకృష్ణ సందడి చేస్తూ అలరిస్తున్నారు. ఈక్రమంలో కొత్త ఎపిసోడ్ ప్రోమో ఆసక్తి రేకెత్తిస్తోంది. కారణం.. ఈసారి బాలీవుడ్ (Bollywood) అందగాడు రణబీర్ కపూర్ (Ranbik Kapoor) హాజరు కావడమే. ఆయనతోపాటు సందీప్ రెడ్డి వంగా, సినిమాలో హీరోయిన్ రష్మిక షోలో సందడి చేస్తున్న ప్రోమో విడుదలైంది.
షోలో భాగంగా లైవ్ లో రష్మిక (Rashmika) హీరో విజయ్ దేవరకొండ (Vijay Devarakonda) కు ఫోన్ చేయడం ప్రేక్షకుల్ని ఆకట్టుకుంటోంది. ఆన్ స్క్రీన్ లో వీరిద్దరి జంటకు అభిమానులు ఉన్నారు. దీంతో వీరి ఫోన్ ఎపిసోడ్ తో ప్రోమో ఆసక్తిగా మారింది. ప్రోమోలో బాలకృష్ణ హిట్ డైలాగ్.. ‘ఫ్లూటు జింక ముందు ఊదు..’ను హీరో రణబీర్ చెప్పడం అలరించింది.
దర్శకుడు బోయపాటి గురించి సందీప్ రెడ్డి చెప్తూ.. ‘ఆయన ప్రతి ఫైట్ గుడిలో ప్లాన్ చేస్తూంటార’ని అన్నారు. దీంతో నవంబర్ 24న ప్రసారమయ్యే ఈ ఎపిసోడ్ పై అభిమానులు, ప్రేక్షకులు ఆసక్తిగా ఎదురుచూస్తున్నారు.