పోలవరం ప్రాజెక్టు అంచనా వ్యయం మరోమారు పెరిగింది. అందునా, కేవలం ప్రధాన డ్యామ్ అంచనా వ్యయమే భారీగా.. అంటే, సుమారు 1600 కోట్ల రూపాయల మేర పెరగడం గమనార్హం. అదేంటీ.? రివర్స్ టెండరింగ్ పేరుతో భారీగా వ్యయాన్ని ఆదా చేస్తున్నామని రాష్ట్ర ప్రభుత్వం చెబుతోంది కదా.? అంటే, అదంతే. 2016 నాటి అంచనా వ్యయానికీ, 2021 నాటి అంచనా వ్యయానికీ తేడా వుంటుంది కదా.? అప్పటికీ ఇప్పటికీ జరిగిన పనులెంత.? జరగాల్సిన పనులెంత.? ఈ అంచనా వ్యయాల పెంపు గోలేంటి.? ఇలా సవాలక్ష ప్రశ్నలు సామాన్యుల మెదళ్ళను దోచేస్తున్నాయి.
ఓ పక్క పోలవరం ప్రాజెక్టుకి సంబంధించి కేంద్రం, ఇవ్వాల్సిన నిధులే ఇవ్వడంలేదు. చంద్రబాబు హయాంలోనే మొత్తం ప్రాజెక్టు అంచనా వ్యయం 55 వేల కోట్లుగా తేలితే, కేంద్రమూ ఆమోదించింది. కానీ, ఆ తర్వాత పరిస్థితులు మారిపోయాయి. సవాలక్ష కొర్రీలు తెరపైకొచ్చాయి. వివాదం ఎలాగోలా సద్దుమణుగుతోందనుకుంటున్న తరుణంలో మళ్ళీ కొత్త అంచనా వ్యయాల వ్యవహారం తెరపైకొచ్చింది. మరిప్పుడు, ఈ పెరిగిన అంచనా వ్యయానికి కేంద్రం ఆమోద ముద్ర వేస్తుందా.? అన్నది ప్రస్తుతానికైతే మిలియన్ డాలర్ల ప్రశ్నే.
ప్రాజెక్టులు అన్నాక.. అంచనా వ్యయాలు పెరుగుతూ వుంటాయి.. దానిక్కారణం, సకాలంలో ప్రాజెక్టులు పూర్తి కాకపోవడమే. చంద్రబాబు ముఖ్యమంత్రి అయ్యాక.. 2018 చివరి నాటికే పోలవరం ప్రాజెక్టుని పూర్తి చేస్తామన్నారు. కానీ, అది జరగలేదు. వైఎస్ జగన్ అధికారంలోకి వచ్చాక, 2020 చివరి నాటికి ప్రాజెక్టు పూర్తవుతుందంటూ ఓ అంచనాకి వచ్చారు. కానీ, అదీ జరగలేదు. అంచనా వ్యయాలు పెరగడం తప్ప, పోలవరం ప్రాజెక్టు పూర్తయ్యే పరిస్థతే కనిపించకపోవడానికి కారణమేంటి.?
ఆంధ్రపదేశ్ రాష్ట్రానికి జీవనాడి అయిన పోలవరం ప్రాజెక్టుకి పట్టిన రాజకీయ గ్రహణం వీడేదెప్పడు.? జాతీయ ప్రాజెక్టు అయినా, పోలవరం ప్రాజెక్టు.. ఏడేళ్ళలో పూర్తి కాలేదంటే, అంతకన్నా దారుణమైన విషయం ఇంకేముంటుంది.? తెలంగాణ రాష్ట్రం రికార్డు సమయంలో సొంతంగా కాళేశ్వరం ప్రాజెక్టుని పూర్తి చేసుకుంది. నిజానికి, పోలవరం ప్రాజెక్టుతో పోల్చితే, కాళేశ్వరం ప్రాజెక్టుకి అయిన ఖర్చు చాలా చాలా ఎక్కువ. ఆంధ్రపదేశ్ రాజకీయాల్లో రాజకీయ నాయకులున్నారు తప్ప, రాష్ట్రం కోసం పనిచేసే నాయకులు లేరని అనడానికి ఇంతకన్నా నిదర్శనం ఇంకేమన్నా కావాలా.? అన్న ప్రశ్న తెరపైకొస్తోంది.
927990 549941I just could not go away your web site before suggesting that I very enjoyed the usual information a person supply to your guests? Is going to be back ceaselessly in order to inspect new posts. 301676
728890 706526Howdy! I just wish to give a huge thumbs up for the fantastic info you might have here on this post. I will probably be coming back to your weblog for much more soon. 764065