అదే పోరు.. రాజకీయ పార్టీల మధ్య జరగాల్సిన ‘రచ్చ’ కాస్తా, రాష్ట్ర ఎన్నికల కమిషనర్కీ, రాష్ట్ర ముఖ్యమంత్రికీ మధ్య జరుగుతోందన్నట్లు తయారైంది పరిస్థితి. ‘చంద్రబాబు సామాజిక వర్గానికి చెందినవారు కాబట్టే..’ అంటూ కొన్నాళ్ళ క్రితం ముఖ్యమంత్రి వైఎస్ జగన్, నిమ్మగడ్డ రమేష్కుమార్పై అధికారికంగానే సంచలన ఆరోపణలు చేశారు. ఆ తర్వాత నిమ్మగడ్డను తొలగించడం, హైకోర్టు జోక్యంతో తిరిగి నిమ్మగడ్డ రాష్ట్ర ఎన్నికల కమిషనర్ అవడం తెలిసిన విషయాలే.
కరోనా ప్రమాదాన్ని ముందే ఊహించిన నిమ్మగడ్డ, స్థానిక ఎన్నికల ప్రక్రియను వాయిదా వేస్తే.. దానికి వైసీపీ తీసిన వక్రభాష్యాలు అన్నీ ఇన్నీ కావు. అదంతా గతం. ప్రస్తుతానికొస్తే, రాష్ట్ర ప్రభుత్వం రాష్ట్ర ఎన్నికల సంఘానికి సహకరించడంలేదని నిమ్మగడ్డ, హైకోర్టును ఆశ్రయించారు. నిధుల విషయంలోనూ, ఇతరత్రా విషయాల్లోనూ ప్రభుత్వ సహకారం కొరవడిందన్నది నిమ్మగడ్డ ఆరోపణ.
ఈ పిటిషన్పై విచారణ చేపట్టిన న్యాయస్థానం, రాష్ట్ర ప్రభుత్వం రాష్ట్ర ఎన్నికల సంఘానికి సహకరించాలని సూచించింది. దీనికోసం ప్రత్యేకంగా ఆర్డర్స్ అవసరం లేదని తెలిపింది. కాగా, రాష్ట్ర ప్రభుత్వం.. రాష్ట్ర ఎన్నికల సంఘం కోరిన మేర నిధుల్ని విడుదల చేయడానికి అభ్యంతరమేమీ లేదనీ, ఇప్పటికే కొన్ని నిధులు విడుదల చేయడం జరిగిందనీ న్యాయస్థానానికి తెలిపింది.
మరోపక్క, నిమ్మగడ్డ రమేష్కుమార్ హయాంలో స్థానిక ఎన్నికల నిర్వహణ మాత్రం ప్రభుత్వ పెద్దలకు సుతారమూ ఇష్టం లేదు. దాంతో, ప్రక్రియను ఎలాగోలా వాయిదా వేయించాలని వైఎస్ జగన్ ప్రభుత్వం భావిస్తోంది. మరోపక్క, కరోనా జోరు తగ్గడం.. అన్లాక్ ప్రక్రియ కొనసాగుతుండడంతో స్థానిక ఎన్నికల నిర్వహణ దిశగా రాష్ట్ర ఎన్నికల కమిషనర్ ప్రణాళిక రచిస్తున్నట్లు తెలుస్తోంది.
‘ప్రతి విషయానికీ ఎన్నికల కమిషనర్ హైకోర్టుకు వచ్చే పరిస్థితి వుండకూడదు. రాష్ట్ర ప్రభుత్వం పూర్తిగా సహకరించాల్సి వుంటుంది..’ అని న్యాయస్థానం వ్యాఖ్యానించడం ప్రభుత్వానికి చెంప పెట్టు.. అనే విమర్శ రాజకీయ విశ్లేషకుల నుంచి వినిపిస్తోంది. కాగా, స్థానిక ఎన్నికల నేపథ్యంలో అత్యంత జుగుప్సాకరమైన రీతిలో అధికార పార్టీ దాడులకు తెగబడిందనీ, ఈ నేపథ్యంలో ఏకగ్రీవమైన స్థానాల్లోనూ తిరిగి కొత్తగా ఎన్నికలు నిర్వహించాలని విపక్షాలు డిమాండ్ చేస్తున్న విషయం విదితమే.
923594 300750I was reading some of your content material on this internet site and I conceive this internet website is truly informative ! Maintain on putting up. 702863
368562 15694Thank you for sharing with us, I feel this site truly stands out : D. 812794
418578 477376An attention-grabbing dialogue is value comment. Im positive that its better to write on this topic, towards the often be a taboo subject but typically persons are not sufficient to speak on such topics. To yet another location. Cheers 951015