రికార్డ్ ప్రైజ్ తో ఓటిటిలో రిలీజ్ కానున్న నాని ‘వి’

అన్ లాక్ 3 మొదలైంది.. కానీ కరోనా విజృంభణ మాత్రం అస్సలు ఆగడం లేదు. షూటింగ్ దశలో ఆగిపోయిన సినిమాలు మళ్ళీ ఎప్పుడు మొదలవుతాయి తెలియదు, అలాగే రిలీజ్ కి సిద్ధంగా ఉన్న సినిమాలు రిలీజ్ అవుతాయో అంతకన్నా తెలియని పరిస్థితి.. దీంతో పలువురు తమ సినిమాలను ఓటిటిలో రిలీజ్ చేయడానికి సిద్దమై రిలీజ్ చేసేస్తున్నారు.

కానీ టాలీవుడ్ అగ్ర నిర్మాతల్లో ఒకరైన దిల్ రాజు కూడా ఉన్నారు.. లాక్ డౌన్ మొదలయ్యే టైంకి అనగా మార్చి 25న రిలీజ్ కి సిద్ధంగా ఉన్న నాని – సుధీర్ బాబుల ‘వి’ రిలీజ్ ఆగిపోయింది. మొదట్లో ఈ సినిమాకి కూడా వరుసగా ఓటిటి నుంచి ఆఫర్స్ వచ్చాయి. కానీ దిల్ రాజు, నాని లు మాత్రం ఓటిటి రిలీజ్ కి సిద్ధంగా లేరు. కానీ ఇప్పటికీ పరిస్థితుల్లో ఏ మాత్రం మార్పు రాకపోవడంతో వారి ఆలోచనల్లో మార్పు వచ్చింది.

దిల్ రాజు – నానిలు ఓటిటి రిలీజ్ సిద్ధమయ్యారు. తాజాగా అమెజాన్ ప్రైమ్ తో డీల్ కుదిరింది. తాజా సమాచారం ప్రకారం దాదాపు 33 కోట్లకి డీల్ ని క్లోజ్ చేశారు. చెప్పాలంటే ఇదొక బంపర్ ఆఫర్.. నాని మార్కెట్ పరంగా, సినిమా సూపర్ హిట్ అయితే 30 నుంచి – 45 కోట్ల వరకూ బాక్స్ ఆఫీస్ కలెక్షన్స్ వచ్చేవి. కానీ ఆ కలక్షన్స్ కి ఈక్వల్ గా అమ్ముడు పోవడం అంటే రికార్డ్ అనే చెప్పాలి. సెప్టెంబర్ మొదటి వారంలో ఎక్కువా సెప్టెంబర్ 5న ఈ సినిమాని ఓటిటిలో రిలీజ్ చేసేలా ప్లాన్ చేస్తున్నారని సమాచారం.

గతంలో కూడా నాని ‘వి’ సినిమాకి ఓటిటి ఆఫర్ వచ్చింది. కానీ అప్పుడు నాని దిల్ రాజుతో నేను థియేట్రికల్ కోసం సినిమా చేశానంటూ జరిగిన చర్చల్లో ఓటిటి ఐడియాని డ్రాప్ చేశారు. కానీ తాజాగా వచ్చిన థియేటర్స్ అప్డేట్ ప్రకారం, దిల్ రాజు నానిని అతి కష్టం మీద కన్విన్స్ చేశారు. అందుకే ఇప్పుడు ఓటిటి డీల్ ఫైనలైజ్ అయ్యింది.

దీని ప్రకారం నాని 25వ సినిమా ‘వి’ థియేటర్స్ ని స్కిప్ చేసి డైరెక్ట్ గా మీ ఇళ్లల్లో మిమ్మల్ని ఎంటర్టైన్ చేయడానికి సిద్ధమవుతోంది. ఈ సినిమా రిజల్ట్ ని బట్టి రిలీజ్ కి సిద్ధంగా ఉన్న రామ్ ‘రెడ్’, అనుష్క ‘నిశ్శబ్దం’ మరియు రానా ‘అరణ్య’ లాంటి సినిమాలు కూడా ఓటిటి బాట పట్టే అవకాశం ఉంది.