కన్ఫ్యూజ్ అయ్యారా? వైఎస్సార్ సతీమణి వైఎస్ విజయమ్మ కదా? మరి రాజేశ్వరి అంటున్నారేంటి అనుకుంటున్నారా? ఇద్దరూ ఒకరే. రాజేశ్వరే విజయమ్మ.. విజయమ్మే రాజేశ్వరి. జగన్ ను విజయమ్మ ఏమని పిలుస్తారు? వైఎస్ ను షర్మిల ఏమని సంభోధించేవారు? జగన్ సినిమాకి వెళ్లాలంటే ఏం చేయాల్సి వచ్చేది? తండ్రి చేత షర్మిల సిగరెట్లు ఎలా మానిపించారు? భారతి వైఎస్సార్ కోడలు ఎలా అయ్యారు? షర్మిల వివాహం విషయంలో వైఎస్ కుటుంబం తీవ్రంగా కలత చెందిందా? మూడేళ్లపాటు అంతు లేని వ్యధ అనుభవించిందా? షర్మిలకు తొలుత ఇష్టం లేని పెళ్లి చేశారా? ఆ సమయంలో వైఎస్సార్ మానసికంగా సంఘర్షణ పడ్డారా? తొలి భర్తతో షర్మిలకు విడాకులు అయ్యాక ఆమె తీసుకున్న నిర్ణయం ఏమిటి? దానిని వైఎస్ ఆమోదించారా? ఇక జగన్ కు రాజకీయాల పట్ల ఆసక్తి ఎలా పెరిగింది? కొడుకు రాజకీయాల్లోకి వెళ్లడం విజయమ్మకు ఇష్టం లేదా? రూపాయి డాక్టర్ నుంచి సీఎంగా వైఎస్సార్ ప్రస్థానం ఎలా సాగింది? తనకు ఎంతో ఇష్టమైన చికెన్ తినకూడదని జగన్ ఎందుకు నిర్ణయం తీసుకున్నారు? ప్రజల దగ్గర ఓటమే ఎరుగని నాయకుడైన వైఎస్ కు పార్టీపరంగా ఎదురైన అవాంతరాలు ఏమిటి? ఇలాంటి ఎన్నో విషయాలను వైఎస్ సతీమణి వైఎస్ విజయలక్ష్మి సవివరంగా వివరించారు. ‘నాలో.. నాతో.. వైఎస్సార్’ పుస్తకం ద్వారా తన భావాలను పంచుకున్నారు. అందులోని కొన్ని అంశాలు మీకోసం..
విజయలక్ష్మి రాజేశ్వరి ఎలా అయ్యారంటే..
సంప్రదాయ హిందూ కుటుంబానికి చెందిన విజయలక్ష్మిని రాజారెడ్డి తనయుడు వైఎస్ రాజశేఖర్ రెడ్డికి ఇచ్చి క్రైస్తవ పద్ధతిలో వివాహం చేశారు. ఇందుకోసం విజయలక్ష్మికి బాప్టిజం చేశారు. అయితే, ఇరువురి జాతకాలకు సంబంధించి గణాలు సరిగా కలవలేదంట. జాతకాలంటే పట్టింపులు ఉండటంతో విజయలక్ష్మి నాన్న ఆమె పేరును రాజేశ్వరిగా మార్చారు. వివాహపత్రికలో ఈ పేరే వేయించారు. కానీ ఆమెను ఎవరూ ఎప్పుడూ కూడా ఆ పేరుతో పిలవలేదంట. కేవలం వివాహ పత్రికకు మాత్రమే ఆ రాజేశ్వరి పరిమితమైంది. ఇక జగన్ పుట్టగానే వైఎస్ ఖుషీ అయ్యారట. వారసుడు పుట్టాడని ఎంతగానో ఆనందపడ్డారట. జగన్ ను విజయమ్మ సన్నీ అని, వైఎస్.. నాన్నా అని పిలిచేవారు. ఇక షర్మిలను వైఎస్.. పాప్స్, పాపా అని, విజయమ్మ అమ్ములు అని పిలిచేవారు. షర్మిల తన తండ్రిని పా అని పిలిచేవారంట.
(సశేషం)
436271 34986Maintain all the articles coming. I love reading by means of your items. Cheers. 55606