మెగాస్టార్ చిరంజీవి( Chiranjeevi) సినిమా విడుదలవుతుందంటే మెగా అభిమానులకి పండగ లాగే ఉంటుంది. ఆ రోజున వాళ్లు చేసే సందడి అంతా ఇంత కాదు. చిరు లేటెస్ట్ గా నటిస్తున్న చిత్రం ‘భోళా శంకర్( Bhola Shankar)’ ఆగస్టు 11న ఈ సినిమా విడుదల కానుంది. ఈ సందర్భంగా సూర్యాపేట లోని రాజు గారి తోట హోటల్ ప్రాంగణంలో 126 అడుగుల చిరంజీవి కటౌట్ ని ఏర్పాటు చేశారు.
సాధారణంగా స్టార్ హీరోల సినిమాల విడుదలప్పుడు భారీ కటౌట్ లు ఏర్పాటు చేయడం మామూలే. అయితే టాలీవుడ్ చరిత్రలోనే అత్యంత ఎత్తైన కటౌట్ ఇదే కావడం విశేషం. ‘భోళాశంకర్’ సినిమాలోని ఓ స్టిల్ ని తీసుకుని ఇలా కటౌట్ ఏర్పాటు చేశారు.
మెహర్ రమేష్ దర్శకత్వం వహించిన ఈ సినిమాలో తమన్నా( Tamannaa)హీరోయిన్. యంగ్ హీరోయిన్ కీర్తి సురేష్( Keerthy Suresh), సుశాంత్ కీలకపాత్రలో కనిపించనున్నారు. ఇటీవల విడుదలైన ట్రైలర్ ఈ సినిమాపై భారీ అంచనాలను పెంచేసింది. 2017లో వచ్చిన తమిళ సూపర్ హిట్ చిత్రం ‘వేదాళం’కి ఇది తెలుగు రీమేక్.