Kalki 2898ADస్టార్ హీరో సినిమానో లేదా మల్టీస్టారర్ సినిమానో హిట్ అయితే చాలు తర్వాత దాని సీక్వెల్ గురించి సర్వత్రా చర్చలు మొదలవుతాయి. ఈ మధ్యకాలంలో ప్రభాస్( Prabhas) సినిమాలపై ఈ పోకడ మరింత ఎక్కువగా ఉంటోంది. ప్రస్తుతం తను నటిస్తున్న ‘సలార్( Salaar)’ రెండు భాగాలుగా వస్తున్న విషయం తెలిసిందే. ప్రభాస్ నటించిన మరో సినిమా ‘కల్కి 2898 AD’ విషయంలోనూ సీక్వెల్ పై వార్తలు వైరల్ అయ్యాయి.
అయితే వీటన్నింటికీ ఆ సినిమా దర్శకుడు నాగ్ అశ్విన్ చెక్ పెట్టేశారు.’కల్కి’ కథని రాసుకునేటప్పుడు ప్రభాస్ ని దృష్టిలోనే దృష్టిలో ఉంచుకొని కథ రాసినట్లు చెప్పారు. ఈ సినిమా సీక్వెల్ పై ఆలోచించడం లేదని స్పష్టం చేశారు. కానీ ఇందులోని పాత్రలను స్ఫూర్తిగా తీసుకొని యానిమేషన్ మూవీని తీయనున్నట్లు తెలిపారు.
ఈ సినిమాలో వివిధ సినీ ఇండస్ట్రీలకు చెందిన అగ్ర నటులు నటిస్తుండటంతో ఈ సినిమా అనౌన్స్ చేసినప్పటి నుంచి వార్తల్లో నిలిచింది. బాలీవుడ్ హీరోయిన్ దీపికా పదుకొనే( Deepika Padukone) ప్రభాస్ కి జంటగా నటిస్తోంది. సీనియర్ నటుడు అమితాబ్ బచ్చన్( Amitabh bachchan), కోలీవుడ్ విలక్షణ నటుడు కమల్ హాసన్( Kamal Hassan) , బాలీవుడ్ హీరోయిన్ దిశా పటాని( Disha Patani) తదితరులు ఈ సినిమాలో కీలక పాత్రలు పోషిస్తున్నారు. 2024 సంక్రాంతి కానుకగా ఈ సినిమా ప్రేక్షకుల ముందుకు రానుంది. రూ.600 కోట్ల భారీ బడ్జెట్ తో ఈ సినిమా తెరకెక్కుతోంది.