అయిదు ఫైట్లు, ఆరు పాటలు.. ప్రేక్షకులకు అదే చిరంజీవి సినిమా. కామెడీ, ఫైట్లు, డ్యాన్సులతో తెలుగు సినిమాపై చిరంజీవి వేసిన ముద్ర అలాంటిది. కథ ఉన్నా చిరంజీవి కోసమే ప్రేక్షకులు ధియేటర్లకు వచ్చేవారంటే అతిశయోక్తి కాదు. అలా.. ఎన్నో హిట్లు, సూపర్ హిట్లు, బ్లాక్ బస్టర్లు ఆయన ఖాతాలో వేసుకున్నారు. అయితే.. ఒక ఇమేజ్ చట్రంలో ఇమిడిపోయిన చిరంజీవికి ఓదశలో ఇదే ఇబ్బందులు తెచ్చింది. వరుస ఫ్లాపులు రావడంతో కొత్త పంథాలో వెళ్లాల్సిన అవశ్యకాన్ని గుర్తించారు. అలా కథా బలంతో చిరంజీవి అందుకున్న సూపర్ హిట్ ‘హిట్లర్’. చిరంజీవి నుంచి తెలుగు ప్రేక్షకులు ఏమాత్రం ఊహించని సెంటిమెంట్, ఐదుగరు చెల్లెళ్లకు అన్నగా నటిస్తున్నారని తెలిసి ఫ్యాన్స్, ఆడియన్స్ షాక్ అయ్యారు. కానీ.. చిరంజీవి వారిని మెప్పించారు. అందరి అంచనాలను తారుమారు చేస్తూ ‘హిట్లర్’ సూపర్ హిట్ అయింది.
చెల్లెళ్ల సెంటిమెంట్.. బరువైన పాత్ర..
చెల్లెలి సెంటిమెంట్ తో అప్పటికి చిరంజీవి చాలా సినిమాలే చేసినా.. ఆయన మార్కు మాస్ ఎలిమెంట్స్ ఉండేవి. కానీ.. హిట్లర్ మూవీలో చిరంజీవిది బరువైన పాత్ర. కష్టాలు, కన్నీళ్లు, చెల్లెళ్లు ఆయనపై ఎదురుతిరిగే పాత్ర. ఒకరకంగా చెప్పాలంటే స్టార్ హీరోకు భిన్నమైన పెద్ద తరహా పాత్ర. చిరంజీవి నుంచి మేనరిజమ్స్, మాస్ డైలాగ్స్ ఆశించేవారికి ‘ఎదురు దెబ్బలు తినీ తినీ బండబారిపోయిన గుండెమ్మా ఇది’, ‘ఈరోజుతో నీకూ నాకూ చెల్లిపోయింది’, ‘చెల్లలివి నీ నుదుటి బొట్టు నేను చెరిపేస్తానా’.. వంటి బరువైన డైలాగులతో మాధవరావు పాత్రలో చిరంజీవి జీవించి ప్రేక్షకులను మెప్పించారు. సెంటిమెంట్ కథ, బరువైన పాత్రయినా తగ్గేదేలేదని నిరూపించారు. చిరంజీవితో తొలిసారిగా కీలకపాత్రలో దాసరి నారాయణరావు నటించారు. సపోర్టింగ్ పాత్రలో రాజేంద్రప్రసాద్ సినిమాలో కీలకంగా నిలిచారు.
చిరంజీవి నమ్మకాన్ని నిలబెట్టిన ముత్యాల సుబ్బయ్య..
ఎడిటర్ మోహన్ తమ ఎంల్ మూవీ ఆర్ట్స్ బ్యానర్లో మళయాళ హిట్ హిట్లర్ ను అదే పేరుతో ముత్యాల సుబ్బయ్య దర్శకత్వంలో నిర్మించారు. చిరంజీవి ఇమేజ్ కు భిన్నంగా సెంటిమెంట్ సినిమాలు తీసే సుబ్బయ్య.. చిరంజీవి పెట్టుకున్న నమ్మకాన్ని వమ్ము చేయలేదు. కోటి సంగీతంలోని పాటలు అన్నీ హిట్టే. ముఖ్యంగా అబీబీ.. పాటలో చిరంజీవి ఐకానిక్ స్టెప్ కు ఫ్యాన్స్ ఊగిపోయారు. సెంటిమెంట్, పాటలు ప్రేక్షకుల్ని సినిమాలో లీనమయ్యేలా చేశాయి. హీరోయిన్ గా రంభ గ్లామర్ ఆకట్టుకుంటుంది. సినిమాలో చిరంజీవి మేనరిజమ్ ‘అంతొద్దు.. ఇది చాలు’ బాగా పాపులర్ అయింది. 1997 జనవరి 4న విడుదలైన సినిమా మంచి వసూళ్లు రాబట్టి 42 కేంద్రాల్లో 100 రోజులు ఆడింది. శతదినోత్సవ వేడుకలను ఒంగోలులో ఘనంగా నిర్వహించారు. హిట్లర్ విజయం చిరంజీవి మళ్లీ వరుస హిట్లకు నాంది పలికింది.
995812 734343Howdy! Would you mind if I share your weblog with my twitter group? Theres plenty of individuals that I think would truly enjoy your content. Please let me know. Thanks 55973
900976 352191Spot on with this write-up, I truly believe this website needs considerably far more consideration. Ill probably be once more to read a lot far more, thanks for that information. 198684
157301 825117Great post man, keep the nice work, just shared this with my friendz 399491