దళపతి విజయ్, లోకేష్ కనగరాజ్ కాంబినేషన్ లో సినిమా అనగానే అంచనాలు ఏ రేంజ్ లో ఉంటాయో ప్రత్యేకంగా చెప్పాల్సిన పనిలేదు. తమిళ్ తో పాటు తెలుగులోనూ అద్భుతమైన క్రేజ్ ను తెచ్చుకున్న లియో దసరా సందర్భంగా ఈరోజే విడుదలైంది. మరి ఈ చిత్రం ఎలా ఉందో చూద్దామా.
కథ:
హిమాచల్ ప్రదేశ్ లోని ఒక హిల్ స్టేషన్ లో బేకరీ నడుపుకుంటూ ప్రశాంతమైన జీవితం గడుపుతూ ఉంటాడు పార్తీబన్ (విజయ్). ఒక రోజు లోకల్ రౌడీలతో జరిగిన గొడవ కారణంగా పార్తీబన్ కోర్టులో సరెండర్ అవుతాడు. అయితే ఆ న్యూస్ ను టివిలో చూసిన అండర్ వరల్డ్ క్రిమినల్ (సంజయ్ దత్) లియో కోసం అక్కడికి వస్తాడు. ఇంతకీ లియో ఎవరు? అతనికీ అండర్ వరల్డ్ కు ఉన్న సంబంధం ఏంటి?
ఇంతకీ ఈ లియో లోకేష్ సినిమాటిక్ యూనివర్స్ కు ఎలా కనెక్ట్ అవుతుంది?
నటీనటులు:
దళపతి విజయ్ గురించి కొత్తగా చెప్పుకునేది ఏముంది. తన స్క్రీన్ ప్రెజన్స్ సూపర్బ్. రెండు డైమెన్షన్స్ ఉన్న పాత్రను విజయ్ చాలా సులువుగా చేసాడు. త్రిష, విజయ్, పిల్లాడి కాంబినేషన్ లో సీన్స్ చాలా బాగా వచ్చాయి.
ఇక ప్రముఖ పాత్రల్లో కనిపించిన సంజయ్ దత్, అర్జున్ ల పెర్ఫార్మన్స్ పాత్రకు తగ్గట్లు సాగింది. ప్రియా ఆనంద్ కూడా చిన్న పాత్రలో మెరిసింది. మిగిలిన వాళ్ళందరూ మాములే.
సాంకేతిక నిపుణులు:
ముందుగా హాలీవుడ్ స్టైల్ లో సినిమాటిక్ యూనివర్స్ ను బిల్డ్ చేస్తోన్న లోకేష్ కనగరాజ్ ను మెచ్చుకునే తీరాలి. లియోకు యూనివర్స్ తో ఉన్న కనెక్షన్ సంగతి పక్కనపెడితే లోకేష్ కు పెద్ద బలమైన సెకండ్ హాఫ్ విషయంలోనే ఈసారి తడబడ్డాడు. సెకండ్ హాఫ్ ను ఇంకొంచెం ఆసక్తికరంగా తీర్చిదిద్ది ఉంటే బాగుండేది. దానికి తోడు ఈ సినిమాటిక్ యూనివర్స్ లోకి లియోను బలవంతంగా చొప్పించినట్లు అనిపిస్తుంది.
అనిరుధ్ బ్యాక్ గ్రౌండ్ స్కోర్ సూపర్బ్. చాలా సీన్స్ ను కేవలం తన బ్యాక్ గ్రౌండ్ తోనే లేపాడు అంటే అతిశయోక్తి కాదు. సినిమాటోగ్రఫీ, ఎడిటింగ్ పర్వాలేదు. ఆర్ట్ డిపార్ట్మెంట్ వర్క్ చిత్రానికి తగినట్లుగా సాగింది. ఇక నిర్మాణ విలువలు చాలా లావిష్ గా ఉన్నాయి.
ప్లస్ పాయింట్స్:
- విజయ్ పరిచయ సన్నివేశం
- స్క్రీన్ ప్లే
- అనిరుధ్ బ్యాక్ గ్రౌండ్ స్కోర్
మైనస్ పాయింట్స్:
- నరేషన్ లో ఉన్న లొసుగులు
- బలమైన కాన్ఫ్లిక్ట్ పాయింట్ లేకపోవడం
విశ్లేషణ:
అటు ఫస్ట్ హాఫ్ ఇటు సెకండ్ హాఫ్ కూడా ఒక దశ వరకూ మెప్పించే లియో, లోకేష్ సినిమాటిక్ యూనివర్స్ లో ఒక డీసెంట్ ఫిల్మ్ అనిపించుకుంటుంది. ఈ ఎల్ సీయూ కాన్సెప్ట్ మీకు నచ్చితే కచ్చితంగా లియో కూడా నచ్చుతుంది. అంచనాలను అదుపులో పెట్టుకుని చూస్తే లియో నచ్చే అవకాశాలున్నాయి.
తెలుగు బులెటిన్ రేటింగ్: 2.5/5