మాజీ ఎంపీ లగడపాటి రాజగోపాల్కి ‘ఆంధ్రా ఆక్టోపస్’ అనే పేరుండేది. తెలంగాణా అసెంబ్లీ ఎన్నికలకు పాపం ఆయనకు ఆ పేరు పోయింది. చాలా దారుణంగా లగడపాటి లెక్కలు తప్పాయి. మహా కూటమి అధికారంలోకి వస్తుందని లగడపాటి చెబితే, గులాబీ పార్టీ బంపర్ విక్టరీ సాధించింది. దానికి ఆయన ఏవో కవరింగ్లు చేసుకునే ప్రయత్నం చేశాడు. కానీ, లగడపాటి ఉత్తుత్తి సర్వే చేసి, ఓటర్లను కన్ఫ్యూజ్ చేయబోయారని అర్ధమైపోయింది. సార్వత్రిక ఎన్నికల ఫలితాలకు ముందే ఎగ్జిట్ పోల్స్ అంచనాలు వస్తాయి. లగడపాటి కూడా ఓ సర్వేతో సిద్ధమవుతున్నారు. ఈసారి లెక్క తప్పదంటున్నారు. కానీ, గతంలోలానే ఇప్పుడు కూడా ఆయనగారి సర్వేపై చాలా అనుమానాలు వ్యక్తమవుతున్నాయి.
టీడీపీ ముఖ్యనేత ఒకరు లగడపాటితో కలిసి ‘వంటకం’ చేపట్టారనీ, కాబట్టి రుచితో అద్భుతాలేమీ ఉండవనీ, టీడీపీకి అనుకూలంగా మాత్రమే అది ఉంటుందనీ టీడీపీ వర్గాలే ఆఫ్ ది రికార్డ్గా చెబుతున్నాయి. ఇంకా ఇంట్రెస్టింగ్ విషయమేంటంటే, వైసీపీ ముఖ్య నేత ఒకరు కూడా లగడపాటి వంటకంలో పాలు పంచుకుంటున్నారట. సో అదే నిజమైతే, లగడపాటి వంటకం ఫలితాలొచ్చే లోపు కొంత సందడి చేయొచ్చు రాజకీయ వర్గాల్లో. లగడపాటి ఒక్కరే కాదు, ఇంకా చాలా వంటకాలు ఈ సారి రుచి చూడబోతున్నాం. దాదాపుగా పది నుండి పదిహేను వరకూ సర్వేలు జరిగాయట. వీటన్నింటి వెనకాల టీడీపీ, వైసీపీ నేతలే కనిపిస్తున్నారు. ఓ 8 సర్వేలు విడివిడిగా చేస్తే, అందులో రెండు కలిసే చేశారనీ చెప్పుకుంటున్నారు.
తెలుగు నాట ఇలాంటి సర్వేలకు గ్లామర్ తెచ్చింది నిస్సందేహంగా లగడపాటి రాజగోపాలే. అందుకే దాదాపుగా ఆయనగారి ఫార్మాట్లోనే డజనుకు పైగా ఎగ్జిట్ పోల్స్ ఉంటాయనీ తెలుస్తోంది. ఇన్ని వంటకాలు ఎందుకు.? అనే ప్రశ్న రావడం సహజమే. రాష్ట్రంలో త్రిముఖ పోటీ నెలకొంది. దాంతో గెలుపుపై అందరికీ అనుమానాలున్నాయి. ప్రధానంగా టీడీపీ, వైసీపీ పైకి ఏం చెబుతున్నా, లోలోపల అయోమయంతో దిగులు పడుతున్నారు అభ్యర్ధులు. ఈ పరిస్థితుల్లో ఎగ్జిట్ పోల్స్ ఆయా అభ్యర్ధులకు కొంత ఊరటిస్తాయి. అదే సమయంలో అధికారం ఎటువైపు మొగ్గుతుందో ఓ ఐడియా వస్తే, ముందే గోడ దూకేయడానికి అవకాశం కలుగుతుంది. అలా అభ్యర్ధులు ఈ ఎగ్జిట్ పోల్ ఫలితాల కోసం ప్రత్యేకంగా ఎదురు చూస్తున్నారు.
లగడపాటి వంటకం విషయానికి వస్తే, రేపో మాపో చంద్రబాబు ఆమోద ముద్ర పడబోతోందనీ, ఆ తర్వాతే అది వెలుగులోకి వస్తుందనీ తెలుస్తోంది. తెలంగాణా అసెంబ్లీ ఎన్నికల ఫలితానికి కూడా లగడపాటి ఇదే పద్ధతి ఫాలో అయ్యారు. అయితే అప్పుడు కొంచెం ముందే కూసింది ఆక్టోపస్ గారి లెక్కల కోడి. అందుకే అది తప్పుడు కూతగా మిగిలిపోయింది. ఆ అనుభవంతోనే ఈసారి కొంచెం సంయమనం పాఠించారు లగడపాటి. అయినా ఇన్నాళ్లపాటు ఫలితాల కోసం ఎదురు చూసిన ప్రజలు ఇప్పుడు విడుదలవబోయే ఎగ్జిట్ పోల్స్ని పట్టించుకునే అవకాశముందా.? లేనేలేదు.
ఇంకో ఆశ్చర్యకరమైన విషయమేంటంటే, ఎగ్జిట్ పోల్స్లో జనసేనను పరిగణనలోనికి తీసుకోవాలా.? వద్దా.? అనే సంశయం వీడలేకపోతున్నారట కొందరు నిర్వాహకులు. జనసేన గెలుపు, ఓటముల సంగతి తర్వాత.. ఆ పార్టీని లెక్కల్లోకి తీసుకోకపోతే, ఎగ్జిట్ పోల్స్ అనే మాటకే అర్ధముండదు.
776665 127652This sounds in a way inflammatory pending mecant wait for thisthank you! 73483
14915 159692You got a extremely amazing website, Glad I observed it by means of yahoo. 671669
69084 446291I also recommend HubPages itself, and Squidoo, which is comparable. 230405
961082 656693This really is often a fantastic blog, could you be interested in working on an interview about just how you developed it? If so e-mail myself! 579731