బీజేపీ ట్రాప్‌లో పడ్డ కేసీయార్.! టీఆర్ఎస్ ఖేల్ ఖతం.!

టీఆర్ఎస్ అధినేత కేసీయార్ కుమార్తెను బీజేపీ రీచ్ అవగలిగిందా.? ఆమెను బీజేపీలోకి లాగేందుకు ప్రయత్నాలు జరిగాయంటే, తెలంగాణ రాష్ట్ర సమితిలో చాలా లూప్ హోల్స్ వున్నాయన్నమాట. కేసీయార్ కుటుంబంలోనే చాలా సమస్యలున్నాయనే విషయం ఆయన వ్యాఖ్యలతోనే అర్థమయిపోయింది.. ఇలా నడుస్తోంది చర్చ.

‘నా కుమార్తెను బీజేపీలోకి లాగేందుకు ప్రయత్నించారు. ఎంత దారుణమిది.?’ అంటూ కేసీయార్ వ్యాఖ్యానించాక, సహజంగానే బీజేపీ నుంచి అంతకు మించిన స్థాయిలో కౌంటర్ ఎటాక్ వచ్చింది. ‘ఏం, నువ్వు చేసిందేంటి.. 37 మంది ఎమ్మెల్యేలని లాగేశావ్.. అది దారుణం కాదా.? పార్టీ ఫిరాయింపుల్ని రాజకీయ వ్యభిచారంగా అభివర్ణించిన నువ్వే, ఆ రాజకీయ వ్యభిచారానికి పాల్పడ్డావ్..’ అని బీజేపీ తీవ్రస్థాయిలో కేసీయార్ మీద విరుచుకుపడింది.

చిత్రమేంటంటే, ‘నిన్ను దేకేవాడే లేడు.. అలాంటప్పుడు, నీ కూతుర్ని మేమెందుకు మా పార్టీలోకి రప్పిస్తాం.? పైగా, నీ కూతురికి ఢిల్లీ లిక్కర్ స్కామ్‌తో లింకులున్నాయ్..’ అని బీజేపీ నేతలు కొందరు తీవ్రస్థాయిలో కౌంటర్ ఎటాక్ చేస్తున్నారు కేసీయార్ మీద.

బీజేపీ ఎంపీ ధర్మపురి అరవింద్ అయితే, ఇంకో అడుగు ముందుకేశారు కేసీయార్ మీద విమర్శలు చేసే క్రమంలో. ‘నీ బిడ్డ టచ్‌లోకి వచ్చింది బీజేపీతో కాదు.. కాంగ్రెస్ పార్టీతో. కాంగ్రెస్ జాతీయ అధ్యక్షుడు మల్లికార్జున ఖర్గేతో మంతనాలు జరిపింది. బీఆర్ఎస్ పార్టీ ఏర్పాటులో నీ బిడ్డకి ఎలాంటి పాత్రా లేకుండా చేశావట కదా..’ అని అరవింద్ విమర్శించారు.

ఇది నిజంగానే చాలా పెద్ద బాంబ్.! ‘కుమార్తెను అడ్డం పెట్టుకుని రాజకీయాలు చేస్తున్న కేసీయార్..’ అంటూనే, ఆ ‘కుమార్తె’ కవిత చుట్టూ బీజేపీ తన ట్రేడ్ మార్క్ విమర్శలు చేస్తుండడాన్ని ఎలా అర్థం చేసుకోవాలి.? ఈ మొత్తం వ్యవహారానికి ఆస్కారం కల్పించిందే కేసీయార్.!

‘కేసీయార్ కుమార్తెనే బీజేపీ, కాంగ్రెస్ తమ వైపుకు తిప్పుకోడానికి ప్రయత్నిస్తున్నప్పుడు మనమెంత.?’ అంటూ గులాబీ పార్టీకి చెందిన చాలామంది ప్రజా ప్రతినిథులు వాపోతున్నారట. ఈ నైరాశ్యం టీఆర్ఎస్ ఖేల్ ఖతం అయిపోయే దిశగా తీసుకెళుతుందా.? వేచి చూడాల్సిందే.