Kantara: కన్నడలో చిన్న సినిమాగా విడుదలై.. తెలుగుతోపాటు దేశవ్యాప్తంగా సంచలన విజయం సాధించిన సినిమా ‘కాంతారా’ (kantara) . గతేడాది సెప్టెంబర్ 30న విడుదలైన సినిమాకు నేటితో ఏడాది పూర్తయింది. ఈ సందర్భంగా చిత్ర నిర్మాణ సంస్థ హోంబలే ఫిల్మ్స్ (Hombale films) ట్వీట్ చేస్తూ.. సినిమా విజయంలో కీలకంగా నిలిచిన ‘వరాహ రూపం..’ పాట వీడియోను విడుదల చేస్తున్నట్టు ప్రకటించింది.
‘అద్భుతమైన సినిమాకు ఏడాది పూర్తయింది. ఈ సినిమా మా సంస్థకు ఎప్పుడూ ప్రత్యేకమే. ఏడాది గడచినా సినిమా విజయం, సంబరాలు ఇంకా ప్రతిధ్వనిస్తూనే ఉన్నాయి. ఎప్పటికీ గుర్తుండిపోయే కానుకను ఇచ్చారు. ఇంతటి సంచలన విజయానికి కారకులైన ప్రేక్షకులకు ధన్యవాదాలు. ఈ ప్రయాణాన్ని ఇంకా కొనసాగిస్తున్నామని తెలియజేస్తున్నందుకు సంతోషిస్తున్నా’మని తెలిపింది.
16కోట్లతో తెరకెక్కిన కాంతార 400కోట్లు వసూళ్లు రాబట్టింది. ప్రస్తుతం కాంతారా-2 ప్రీక్వెల్ గా రూ.125కోట్లతో తెరకెక్కిస్తున్నట్టు తెలుస్తోంది. తొలి భాగానికి ముందు జరిగిన పరిణామాలు, పంజుర్లికి సంబంధించిన సన్నివేశాలు, భూతకోల నేపథ్యాన్ని మరింతగా తెరకెక్కించనున్నట్టు సమాచారం. సినిమా కోసం రిషిబ్ శెట్టి గుర్రపుస్వారీ నేర్చుకుంటున్నారని తెలుస్తోంది.
Celebrating one-year of the Divine Blockbuster – #Kantara ❤️🔥
A very special film that we’ll always cherish. Our heartfelt gratitude goes out to the incredible audience who turned it into an epic blockbuster. Thank you for an unforgettable year.
The jubilations continue to… pic.twitter.com/JyZOyu9csE
— Hombale Films (@hombalefilms) September 30, 2023