రాజన్న రాజ్యం కాదు.. రౌడీల రాజ్యం..

రాజన్న రాజ్యం తీసుకొస్తామని చెప్పి వైఎస్ జగన్ అధికారంలోకి వచ్చారు. ప్రభుత్వం ఏర్పాటు చేసి ఆరు నెలలైంది. ఈ ఆరు నెలలో జగన్ ఎలాంటి పాలను అందించారో తెలుసుకునే ప్రయత్నం చేద్దాం. 2019 మే చివర్లలో వైఎస్ జగన్ అట్టహాసంగా ముఖ్యమంత్రిగా విజయవాడలో ప్రమాణస్వీకారం చేశారు. ప్రమాణస్వీకారం రోజున వృద్ధాప్య పింఛన్ లకు సంబంధించిన ఫైల్ పై సంతకం చేశారు. ప్రతి ఏడాది కొంత చొప్పున పెంచుకుంటూ పోతామని చెప్పి ఆ సందర్భంగా చెప్పారు.

ఎన్నికల సమయంలో జగన్ ప్రకటించిన మ్యానిఫెస్టో నవరత్నాలపైనే జగన్ దృష్టిపెట్టారు తప్పించి.. మిగతా విషయాలను గాలికి వదిలేసినట్టుగా స్పష్టంగా తెలుస్తోంది. ఏ రాష్ట్రానికైనా రాజధాని అవసరం చాలా ఉన్నది. ప్రభుత్వాన్ని ఏర్పాటు చేసిన తరువాత రాజధానిగా గత ప్రభుత్వం గుర్తించిన అమరావతిపై పూర్తిగా నిర్లక్ష్యం వహించారు. అక్కడి నిర్మాణాలు ఆపేయించారు. దీంతోపాటుగా ఇసుక తవ్వకాలను ఆపేయడంతో కొరత తీవ్రంగా ఏర్పడింది.

నిర్మాణ రంగంపై మాత్రమే ఆధారపడి జీవించేవాళ్ళు రోడ్డున పడ్డారు. వీరికి ఉపాధిలేకపోవడంతో దాదాపుగా 50 మందికి పైగా మరణించారు. పవన్ కళ్యాణ్ ఈ విషయంలో సీరియస్ అయ్యి నవంబర్ 3 వ తేదీన లాంగ్ మార్చ్ చేసే వరకు ఇసుక కొరతపై రాష్ట్రంలో ప్రజలు ఎంత సీరియస్ గా ఉన్నారో తెలియదు.

అప్పటికప్పుడు ప్రభుత్వం ఇసుక వారోత్సవాలు చేసింది. దీని తరువాత ఇంగ్లీష్ మీడియం, హిందూ దేవాలయాల విషయంలో తప్పుడు నిర్ణయాలు తీసుకోవడం, అదే విధంగా కనిపించిన ప్రతి కట్టడానికి వైకాపా రంగులు వేస్తూ అదేమని ప్రశ్నిస్తే.. నిర్లక్ష్యంగా సమాధానం చెప్తున్నారు. ఇవన్నీ ప్రభుత్వం తీసుకున్న కొన్ని తప్పుడు నిర్ణయాలుగా చెప్పొచ్చు.

అంతేకాదు, ఒక మాజీ ముఖ్యమంత్రి, ప్రతిపక్ష నేత అమరావతిలో పర్యటిస్తే..ఆయన కాన్వాయ్ పై రాజాధానిలో దాడి చేయడం అన్నది హేయమైన చర్యగా చెప్పాలి. రాజకీయంగా ఎన్ని ఎంత వ్యతిరేకత ఉండొచ్చు. కానీ, అధికారికంగా రాజధానిలో పర్యటించే సమయంలో ఇలా దాడులు చేస్తున్నారు అంటే దానిని రాజన్న రాజ్యం అంటారా రౌడీ రాజ్యం అంటారా.. వాళ్ళకే తెలియాలి.