రాజ్యం వేరు.. ప్రభుత్వం వేరు.. ప్రభుత్వం దివాళా తీసిందా.? భూముల్ని అమ్మే హక్కు ప్రభుత్వానికి ఎక్కడిది.? అంటూ న్యాయస్థానం ప్రభుత్వంపై ప్రశ్నాస్త్రాలు సంధించింది. అయితే, ప్రభుత్వాలు తీసుకునే విధానపరమైన నిర్ణయాల విషయంలో సంయమనం అవసరమంటూ ప్రభుత్వం, న్యాయస్థానానికి నివేదించాల్సా వచ్చిందట. ఇదంతా ఆంధ్రప్రదేశ్‌లో ప్రభుత్వం ఆదాయం నిమిత్తం భూముల్ని వేలం వేయాలన్న ఆలోచన నేపథ్యంలో నమోదైన కేసుకి సంబంధించిన విచారణ సందర్భంగా జరిగిందట.
దేశంలో చాలా రాష్ట్రాలూ భూముల్ని వేలం వేస్తున్న మాట వాస్తవం. ఇందులో వింతేమీ లేదు. అలాగని, అది పూర్తిగా కరెక్ట్‌.. అని ఎవరన్నా అంటే అంతకన్నా హాస్యాస్పదం ఇంకోటి వుండదు. ఆంధ్రప్రదేశ్‌లో పేదలకు ఇళ్ళ స్థలాలు ఇచ్చేందుకోసం రాష్ట్ర ప్రభుత్వం పెద్దయెత్తున భూముల్ని సేకరించేందుకు, సమీకరించేందుకు ప్రయత్నించింది. ఈ క్రమంలో ఎదురైన ఇబ్బందుల గురించి ఎంత చెప్పుకున్నా తక్కువే. వున్న భూముల్ని అమ్మేసుకుంటే, కొత్తగా భూములు ఎలా వస్తాయి.? పైగా, పేదలకు ఇళ్ళ స్థలాలు ఇవ్వడానికి.. భూముల్ని అధిక ధరలకు కొనుగోలు చేయాల్సి వస్తోందంటే పరిస్థితి తీవ్రతను అర్థం చేసుకోవచ్చు.
నిజమే, ఈ ప్రభుత్వం భూముల్ని అమ్మేస్తే, వచ్చే ప్రభుత్వం మిగిలిన భూముల్ని అమ్మేయకుండా వుంటుందా.? చివరికి ఈ అమ్మకాలు.. ఏ స్థాయికి వెళతాయంటే, ప్రభుత్వ కార్యాలయాల్ని విక్రయించేదాకా వెళ్ళొచ్చన్న అభిప్రాయం ప్రజాస్వామ్యవాదుల నుంచి వ్యక్తమవుతోంది. అయినా, దేవుడి భూముల్ని అమ్మేయడానికీ వెనుకాడని ప్రభుత్వాలకి.. ఇలాంటి భూములు అమ్మేయడం ఓ లెక్కా.? పైగా, సంక్షేమ పథకాల అమలు కోసం భూముల్ని అమ్మాలనుకోవడమట. నిస్సిగ్గు రాజకీయానికి పరాకాష్ట ఇది. అభివృద్ధి కార్యక్రమాలు చేసి.. రాష్ట్ర ఆదాయాన్ని పెంచి.. ఆ తర్వాత సంక్షేమ పథకాల కోసం పంచినా అదో లెక్క.
ఆదాయం లేని పరిస్థితుల్లో భూముల్ని అమ్మి, సంక్షేమ పథకాల పేరుతో ఓటు బ్యాంకు రాజకీయాలు చేస్తే.. సంక్షేమ పథకాల సంగతి దేవుడెరుగు.. ముందు ముందు పాలన నడవడానికి కూడా పైసా దొరకని పరిస్థితి ఏర్పడుతుంది. ఆంధ్రప్రదేశ్ అనే కాదు, ఏ రాష్ట్రమైనాసరే.. ఈ విషయంలో ఒకటికి వందసార్లు ఆలోచించుకోవాల్సిందే. ఇక్కడ విధానపరమైన నిర్ణయాల సందర్భంగా న్యాయస్థానాలు సంయమనం పాటించడం ఎంత ముఖ్యమన్న విషయాన్ని పక్కన పెడితే, ఓట్లేసి గెలిపించిన ప్రజల్ని మాయ చేయడానికి ప్రభుత్వ భూముల్ని విక్రయించాలన్న ఆలోచన చేసేముందు పాలకులు సంయమనం పాటిస్తే మంచిది.
42352 284942I like this website its a master peace ! Glad I detected this on google . 639276
732077 117954Sweet site , super pattern , rattling clean and use friendly . 877994
343028 882818Aw, this really is an extremely good post. In thought I would like to put in location writing like this moreover – spending time and actual effort to create a very good article but exactly what do I say I procrastinate alot by means of no indicates appear to get something accomplished. 996984