అది సరదాగానే తప్ప సినిమా కోసం కాదంటున్న చిరు.!

కరోనా కారణంగా సినీ పరిశ్రమ మొత్తం స్తంభించిపోయిన ఈ టైంలో మెగాస్టార్ చిరంజీవి మాత్రం ఎప్పటికప్పుడు తన సోషల్ మీడియం లో కనిపిస్తూ కరోనా విషయంలో ప్రజలు జాగ్రత్తగా ఉండాలంటూ చెబుతూనే ఉన్నారు. అలాగే ఎవరు ఏ మంచి పనిచేసినా, ఖాళీ టైములో చూసిన సినిమా ఏదైనా బాగున్నా వారిని ప్రత్యేకంగా అభినందిస్తున్నారు చిరంజీవి. ఇది ఆయన ఎప్పుడూ చేసేపనే..

అలానే రీసెంట్ గా చూసిన బ్లఫ్ మాస్టర్ సినిమా నచ్చి డైరెక్టర్ గోపి గణేష్ ని పిలిపించి మరి పర్సనల్ గా అభినందించారు. దీనికి సంబందించిన ఫోటో ఒకటి బటయకు వచ్చింది. అక్కడి నుంచి అసలు టాపిక్ పక్కకి వెళ్లిపోయిన అందరి లుక్ చిరు మీదకి వెళ్ళింది. బాలీవుడ్ తరహాలో మీసాలు లేకుండా క్లీన్ షేవ్ లో, స్లిమ్ అండ్ ఫిట్ బాడీ లుక్ లో కనిపించారు. చెప్పాలంటే ఆ లుక్ లో చిరు అదుర్స్ అనేలా ఉండడమే కాకుండా యంగ్ హీరోస్ కి ఫిట్ నెస్ విషయంలో ఛాలెంజ్ విసిరినట్టు అనిపించింది.

అది చూసిన కొందరు చిరు ఆచార్యలో రెండు డిఫరెంట్ లుక్స్ లో కనిపిస్తారని, అందుకోసమే ఆ లుక్ అని ప్రచారం చేశారు. కానీ ఇందులో నిజానిజాలు ఏంటా అని తెలుసుకుంటే.. ‘ఈ లుక్ ఏ సినిమా కోసమూ కాదని, కేవలం సరదాగా ట్రై చేసానని, ఆచార్యలో ఈ లుక్ ఉండదని’ చిరు తెలిపారు. అందరూ లాక్ డౌన్ లో జిమ్ కి డుమ్మా కొట్టేస్తే, చిరు మాత్రం ఫుల్ వర్కౌట్స్ చేస్తూ.. సూపర్ స్లిమ్ అండ్ ఫిట్ లుక్ లోకి వచ్చేసారు. ముఖ్యంగా ఈ కరోనా టైంలో మన ఆరోగ్యమే కరోనాపై సాధించే ఆయుధం కనుక ఆయన మరింత శ్రద్దగా ఉండాలని, డైలీ వ్యాయామం శరీరానికి చాలా మంచిదనే విషయాన్ని ఇలా తన ట్రాన్స్ఫర్మేషన్ తో చెప్పకనే చెప్పారు చిరు.

ఏ పరిస్థితుల్లోనైనా పలువురిని మోటివేట్ చేయడంలో ముందుంటారు చిరు.. అందుకే బాసు నువ్వు మెగాస్టార్ అని ఆయన అభిమానులు అంటుంటారు.

చిరు సూపర్ స్టైలిష్ లుక్ లో మరో ఫోటో మీ కోసం: