రాష్ట్రాన్ని అసలేం చేయబోతున్నారు?

2019 తరువాత రాష్ట్ర రాజకీయాల్లో పెను మార్పులు వచ్చాయి. ఎన్నికలకు ముందు ఇచ్చిన హామీలను వైఎస్ జగన్ వరసగా నెరవేర్చుకుంటూ పోతున్నారు. ఎక్కడి నుంచి తీస్తున్నారో ఎంత తీస్తున్నారో తెలియడం లేదు. పోలవరం, రాజధాని విషయాలను పక్కన పెట్టి మరి పధకాలను అమలు చేసుకుంటూ పోతున్నారు. ఈ పధకాల కోసం వేలకోట్ల రూపాయలు ఖర్చు చేస్తున్నారు. అడిగిన వాళ్లకు, అడగని వాళ్లకు వరసగా ఇచ్చేసుకుంటూ వెళ్తున్నారు.

ప్రతి బుధవారం రోజున జరిగే కేబినెట్ మీటింగ్ లో కొత్త పథకాలను గురించి మాట్లాడటం వాటిని అమలు చేయడం.. దానికి కావాల్సిన డబ్బును తీసుకొచ్చి ఇవ్వడం ఇదే సరిపోతుంది. గత ప్రభుత్వం హయాంలో పధకాలు అమలు చేయడానికి చంద్రబాబు నానా ఇబ్బందులు పడేవారు. పదేపదే డబ్బులు లేవని చెప్పేవారు.

మరి ఈ ప్రభుత్వానికి అన్ని డబ్బులు ఎక్కడి నుంచి వస్తున్నాయి. ఒకపక్క ఆర్టీసీ నష్టాల్లో ఉంటె దానిని ప్రభుత్వ పరం చేశారు. ఫలితంగా భారం పడుతుంది. అయినా సరే దానిని భరించేందుకు ప్రభుత్వం సిద్ధంగా ఉండటం చూస్తుంటే.. ఎక్కడి నుంచి డబ్బు వస్తున్నదో తెలియడం లేదు.

కాగా, ఈరోజు వైఎస్ఆర్ కాపునేస్తం అనే పధకానికి ఆమోద ముద్ర వేసింది కేబినెట్. ఈ పధకం కింద కాపు మహిళలకు ఏడాదికి రూ. 15వేలరూపాయలు చొప్పున ఇవ్వబోతున్నారు. ఐదేళ్ళలో రూ.75 వేలు ఇస్తున్నారు. ఎందుకు ఇస్తున్నారు.. దేని కోసం ఇస్తున్నారు.. ఏమో ఎందుకు ఇస్తున్నారో.. చూస్తుంటే రాష్ట్రంలో పుట్టిన ప్రతి ఒక్కరికి జగన్ ఏదో ఒక పధకం పేరు చెప్పి ఉచితంగా అన్ని అందజేసేటట్టు ఉన్నారు.

ఇలానే ఇచ్చుకుంటూ పొతే చివరకు రాష్ట్రానికి అప్పులు తప్పా ఇంకేం మిగలదు జగన్ గారు. కాస్త ఆలోచించండి.